الرئيسية / المنح الدراسية / التفاصيل الكامله للناس الي عايزه تتطوع في مستشفي_57357
التفاصيل الكامله للناس الي عايزه تتطوع في مستشفي_57357
التفاصيل الكامله للناس الي عايزه تتطوع في مستشفي_57357

التفاصيل الكامله للناس الي عايزه تتطوع في مستشفي_57357

#شروط_التطوع_في_مستشفي_57357 👉
*لازم يكون السن فوق 18 سنه فأكثر
*لا يوجد مانع طبي يعوق عن أعمال التطوع
*الالتزام بأنك تكون جاي وعندك ارادة وهدف انك تتعلم وتعلم حجات جديده ونفسك تفيد وتستفيد والالتزام بمواعيد التطوع في المستشفي 🌸🌸

#مواعيد_التطوع_في_مستشفي_57357 👉
من الأحد الى الخميس من الساعه 9 صباحاً وحتى الساعه 4 عصرا (عدا السبت والجمعه بيكونوا راحة للمتطوعين)
ومتاح تحضر في اي يوم و اي معاد حسب وقتك وظروفك
التطوع لمدة 3 ساعات علي الاقل في الاسبوع ولمدة ثلاثة أشهر (كاملة 36 ساعة من الخدمة التطوعية) يعني ممكن تيجي مره واحده بس في كل اسبوع وممكن اكتر

#الانشطه_التطوعيه_في_مستشفي_57357 👉
من المعروف إن علاج الكانسر هو علاج نفسي بنسبة كبيره قبل ما يكون علاج طبي والانشطه لينا كمتطوعين بتبقي انشطه ترفيهيه خالصة بتشتغل علي الجانب النفسي للطفل وأهلة، لكن ممنوع اي متطوع يتدخل طبياً مهما كان التخصص..وفية اكتر من نشاط ممكن تطوع فيه حسب مهاراتك فيها 🙌🙈
👈نشاط الدعم النفسي
للطفل وأهلة من خلال الانشطة المختلفه..الترفيهية والفنية والثقافية والرياضية وكلها تعتمد علي اننا بنرافق الطفل وبنساندة في رحله علاجه من اول ما يبدأ العلاج لحد ما بيخلص ان شاء الله.
👈نشاط الزيارات
استقبال الزيارات بكل انواعها..المدارس والجامعات والشخصيات العامة واصطحابهم في رحلة داخل المستشفي.
👈نشاط الورش الفنية واليدوية
بنعمل ورش عمل بشكل اسبوعى تتضمن الرسم والتلوين بهدف تنمية مهارات الأطفال فى الرسم والتلوين ومساعدتهم على التعبير عن مشاعرهم.
👈نشاط المعارض والاحتفالات
الاحتفال بالمناسبات خلال السنة والمشاركه في تنظيم المعارض والحفلات السنوية داخل وخارج المستشفي عشان الاطفال ميفوتهاش حاجة خلال اقامتهم.
👈نشاط الترجمة
عن طريق الترجمه للزوار او للمتطوعين الاجانب وترجمة مقالات علمية وتقارير تخص المؤسسة.
👈نشاط الاعمال الإدارية
اعمال المراسلات والاتصال بالمتبرعين وتحديث البيانات للمتطوعين.
👈نشاط Mse 57357
مدرسة المستشفى وفيها يقوم فريق من المدرسين بالتدريس للاطفال المحجوزة فى الادوار الداخلية جميع المواد وجميع المراحل التعليمية واقامة جميع الامتحانات لجميع المراحل التعليمية فى المستشفى.
👈نشاط اللعب مع الاطفال
التواصل واللعب مع الاطفال فى الحديقه او غرفة الالعاب الخاصة بكل الادوار و العيادات الخارجية للتخفيف عنهم.
👈نشاط قراءة الكتب والقصص
قراءة الكتب والقصص للأطفال فى أماكن الانتظار بالعيادات الخارجية أو بمكتبات الأدوار أو غرف المرضى.
👈نشاط مركز الدعم الاسري
للتحدث الى أهل الطفل لمساعدتهم على التغلب على الامهم اثناء فترة علاج الطفل.
في انشطة تانية كتير كمان زي مسرح العرائس وفريق الكورال

#خطواط_التطوع_في_مستشفي_57357 👉
ممكن تيجي المستشفي وتملي استماره التطوع في مكتب المتطوعين في الدور الارضي (ومتنساش تجيب معاك البطاقه وكمان صورة شخصية )
او من خلال اللينك https://www.57357.org/%D8%A5%D8%B3%D8%AA%D9%85%D8%A7%D8%B…/…
في خلال اقل من 3 شهور حد من قسم خدمات المتطوعين هيتواصل معاك علي الموبايل او الاكونت بتاعك ويحددلك معاد المقابلة الشخصية 🎉🎉

#مقابلة_التطوع_في_مستشفي_57357 👉
بسيطة جداً إن شاء الله مش لازم تروح ببدله لا خالص
*بتقدم نفسك بالعربي عادي ودايما الي قدامك بيشوف شخصيتك و التفاعل بتاعك معاه و طريقة تفكيرك فخليك بسيط و عندك ثقة فى نفسك
*اعرف معلومات عن مستشفى 57357 و ليه عايز تتطوع في57357
*ولو شاركت في انشطه تطوعيه قبل كدا
*وعايز تتطوع في نشاط ايه و ايه هي مهاراتك فيه ؟
بالنسبة لأسئلة المواقف هما بيبقوا موقفين او ثلاثة بشكل عام..المهم تتكلم بثقة ولباقة مهم جداً
اعمل الي عليك و خالى نيتك لله و ان شاء الله تتقبل هناك خاصة ان شركات العمل حالياً بتطلب charity organization certificate و دى المستشفي بتعملها بالفعل بس انت خليها لله هتكون احسن بكتير 👍💓

منشن لصحابك الي عايزين يتطوعوا في مستشفي 57357 ولو في اي استفسار اتفضلوا 👍👍

#volunteer_57357
#مستشفي_57357
#مليون_حكاية_وبطل

عن sara kamal

شاهد أيضاً

الماتريال الكامله لجميع اسئلة IQ وانواعها لكل البنك

الماتريال الكامله لجميع اسئلة IQ وانواعها لكل البنك

  الماتريال دي  كفيلة انها تخليك تعدى أى امتحان IQ بأذن الله وهتحكموا بنفسكم 💪🙏 …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *