شرح موقع فريلانسر

الشغل على مواقع ال فريلانسر بالنسبه للديزاينر كتير والمنافسة بتكون عالية اوي. وعشان كده لازم تشتغل على شوية حاجات مهمة في ديزاينك عشان تضمن انه يعجب العميل بتاعك. -اكسر القواعد حبتين- من الحاجات المهمة اوي اللي لازم تعرفها ان في معظم الاوقات العميل هيكون حاطط ليك حاجات معينه هو عايزها في الديزاين, الوان معينه, ممكن يكون في دماغه تصميم معين عايزك تنفذه... طبعا الافضل في اوقات كتير انك تمشي على الكلام اللي انت قراته في ال معلومات بتاعة البروجكت او الكلام اللي العميل قالك عليه. بس ده مش معناه انك لو شايف انك عندك فكرة هتبقا ضد اللي العميل طالبه انك مش تقدمها, حاجه من الميزات الكبيرة اللي في المواقع ده انك سواء على جوب او كونتست بيكون باختيارك انك تقدم كذا تصميم, اقنع العميل بالتصميم اللي انت عامله بانك تشرح كويس التفاصيل اللي انت حاططها في الديزاين وليه حاططها. اشرح ازاي التفاصيل اللي في الديزاين بتاعك هتكون ميزة للعميل وهتفيده على مستوى الشغل. من الاخر, لو شايف انك عندك فكرة عبقرية. نفذها و وري العميل انك فاهم انت بتعمل ايه. -الكواليتي شئ اساسي لكن فيه عوامل تانية- دايما مهم في شغل الديزاين الكواليتي بتاعته, بمعني اخر, يكون الشغل مستواه عالي.... بس الاحسن من كده ان الشغل يكون مستواه عالي من ناحية الكواليتي ومن ناحية الفكرة. اخلق افكار واعرضها في ديزاينك بطريقة بسيطة, متعقدش الديزاين وابعد تماما عن الديزاينات اللي لو اي حد شافها هيقول ده ديزاين اللي عامله واحد من ال "هواة" والديزاينات ده بتتعرف اوي .