+20 (2) 3830 0048 الخط الساخن

كورسات منحه ITI

منحة دراسية مدتها 9 شهور مقدمة من وزارة الاتصالات بالتعاون مع معهد تكنولوجيا المعلومات iTiايه هو الهدف منها: اعداد خريجين فى مجال تكنولوجيا المعلومات قادرين على المنافسة عالميا يعنى هى خاصة بتكنولوجيا المعلومات وملهاش فى المجالات الادارية يعنى مثلا مفيها

عرض التفاصيل


عن المنحه هى ايه : هى عبارة عن منحة دراسية مدتها 9 شهور مقدمة من وزارة الاتصالات بالتعاون مع معهد تكنولوجيا المعلومات iTi ايه هو الهدف منها: اعداد خريجين فى مجال تكنولوجيا المعلومات قادرين على المنافسة عالميا يعنى هى خاصة بتكنولوجيا المعلومات وملهاش فى المجالات الادارية يعنى مثلا مفيهاش تخصص ادارة يعنى اللى شايف نفسه بيحب الكمبيوتر لدرجه يبقى هو كمبيوتر وحياته كمبيوتر وشغله كمبيوتر يقدم عليه طب هى المنحة دى هتضيفلى ايه ( ايه اهميتها بالنسبة لى ) المنحة دى كلها مميزات افضل منحة فى مصر بتاخد مرتب اثناء فترة الدراسة بالكامل لو تقديرك التراكمى جيد هتاخد 800 لو جيد جدا 1000 لو امتياز 1400 يعنى بتتعلم وكمان بتاخد مرتب مكانة علمية مرتفعة يعنى هتتعلم منها كتييير اوى ومش هتلاقيه فى اى مكان برة وكمان فى اقسام مفيش خريجين منها الا من الأى تى أى فقط ومفيش اى مكان فى مصر بيطلع الناس دى مش هتدرسها أى مكان تانى و أهم ميزة فيهم كلهم الاى تى اى مش مجرد منحة او كورس لا دى دبلومة يعنى دراسات عليا يعنى لو حبيت تكمل ماجستير الاى تى اى بتأهلك انك تكمل ماجستير فى جامعة نوتينجهام انجلترا أو بادربون المانيا بالنسبة لقسم ميكاترونيكس ايه هى شروطها؟ - خريج احد الجامعات او المعاهد المصرية المعترف بيها كشهادة عليا وان يكون خريج اخر خمس سنوات 2011 - 2012 - 2013 – 2014 – 2015 التقدير التراكمى لشهادة الكلية جيد على الاقل تم تحديد موقف التجنيد بالنسبة للذكور بالنسبة لمواليد (1: 6 ) نص اول ممكن يقدموا فى المنحة لان الارجاء يتم قبل بدء الدراسة وبكدة هتعرف تأجيل ولا هتخش قبل المنحة أما بالنسبة لمواليد (7 الى 12 ) نص تانى ممكن يقدموا فى حالة وجود سبب يمنعهم عن الجيش اما غير كدة يستعدوا للتقديم السنة اللى جاية مش المرة دى مصرى الجنسية التفرغ الكامل أثناء وقت المنحه الاوراق المطلوبة هى 1- صورة البطاقة او الباسبور 2- صورتين شخصيتين 3- صورة شهادة التخرج او بيان نجاح او النتيجة مطبوعة مذكور فيها التقدير التراكمى 4- صورة موقف التجنيد بالنسبة للذكور 5-شهادة التويفل ان وجدت 6-صورة شهادة الميلاد الإختبارات الاختبارات متقسمة 3اجزاء : جزء عليه درجات وفيه نجاح وسقوط يعنى لو نجحت هتعدى وتدخل الانترفيوهات ولو معدتش مش هتعمل الانترفيوهات والاختبارات دى اولها هى اختبارين فقط وهما English - IQ ف اول اختبار وده بيكون اسئله ف وقت محدد ع الكمبيوتر زي امتحانات ICDL يعنى مفيش اختبار IT وبأكدها تانى مفيش اختبار IT و دى التفاصيل English بالنسبة للانجلش يا شباب هما نص ساعة و43 سؤال متقسمين على كذا حاجة اولا مجاش خمس قطع جه قطعتين بس وكل واحدة عليها حوالي خمس اسئلة هما كانوا رخمين شوية بس يتحلوا يعني وبقية الاسئلة متقسمة شوية جرامر بس بيجيلك يا اما على شكل جملة وفيها كذا كلمة تحتيها خط وواحدة بس فيهم هي اللي غلط فانت بتشوف انهي اللي غلط فيهم يا اما بيجي اختيارات تختار حاجة تكمل بيها الجملة وبعد كدة حزء ليه علاقة شوية بالكلمات يعني مثلا يقولك كلمة كذا بالنسبة لكذا زي كلمة كذا بالنسبة لايه ويديك اختيارات عليها وانت تختار ومتقلقوش الموضوع مش صعب بس محتاج تركيز وهدوء اعصاب IQ عبارة عن 55 سؤال متقسمين وبيرشحلك وقت معين انك تحل فيه كل جزء من الاسئلة هو تقريبا كان وقته 45 دقيقة بس لازم تنجزوا عشان الوقت بيسرقك بطريقة رهيبة كل ما تحل اسئلة اكتر ده يديك فرصة انك تحل اسئلة صح اكتر حتى لو حليت بالشبه ممكن يطلع صح المهم متسيبوش سؤال الا لما تحلوه حتى لو بالشبه وبعد ماتعدو بأذن الله بيتصلو بيك يحددولك معاد الاختبار التاني وده بيكون انترفيو تكنيكال عن التارك اللي انت اختارته وممكن تختار اكتر من تراك بس طبعا تكون مذاكر فيهم وبيكون ف اختبار تاني برضه انترفيو وده بيكون Soft Skills ممكن يكون ف نفس اليوم وممكن يكون ف يوم تاني ع حسب كل سنه وده بيسألك شويه اسئله يعرف منها شخصيتك وطبعا بيسألك انجلش يقيس مستواك ف اللغه وده ليه قواعده اللي لو التزمت بيها بتعدي منه بسهوله وهنعرفها مع بعض بأذن الله مفيش قلق لو ربنا كرمك وعديت من الاختبارات ده بيكون ف اخر انترفيو ده بتقابل فيه رئيس المعهد صدقوني اخر انترفيو ده قانونه الوحيد هو ربنا كاتبلك خير ف المنحه ولا لا لان ملوش اي قواعد يعني صدقوني اللي مكتوبله فيها خير هيدخلها وبيبقا مش عارف دخلها ازاي واللي مش ليه فيها خير ميزعلش لحظه عشان يمكن لو كان دخلها كان ندم ف ربنا مش عاوزه يندم

  1. اللغة: غير متاح الان
    البريد الالكترونى: anmaral-massri@yahoo.com
    الهاتف: 0
    فيس بوك: غير متاح الان
    تويتر: غير متاح الان
    لينكد ان: غير متاح الان
    يوتيوب: غير متاح الان
    الموقع الالكترونى: غير متاح الان

1- فيديوهات C# 2- فيديوهات OOP 3- فيديوهات Entity FrameWork 4- فيديوهات Sharepoint Administration 5- فيديوهات Sharepoint Advanced Development 6- فيديوهات Sharepoint Development 7- فيديوهات Sharepoint Brand 8- فيديوهات Design Patterns 9- فيديوهات ASP 10- فيديوهات XML 11- فيديوهات Work Flow 12- فيديوهات CRM 13- فيديوهات Business Intelligence 14- فيديوهات Internet Marketing 15- فيديوهات MVC 16- فيديوهات WCF 17- فيديوهات Web Servers

Internet connection ,laptop,pc

لا توجد تعليمات فى الوقت الحالى

سوف تحصل على شهادة من موقع edumefree.com

يرجى تسجيل الدخول اولا حتى تتمكن من اضافه انطباعك عن الدورة

كيف تشترك في هذه الدورة؟

الاشتراك في هذه الدورة التدريبية مجاني تماما، لا يتطلب دفع اي مصروفات او رسوم تحت اي مسمي، رغم ذلك لدينا قيود لنضمن جدية المتدربين في التعامل مع الدورات المحملة علي الموقع الالكتروني

  1. مدة اي دورة تدريبية هي ٩٠ يوم من تاريخ التفعيل، لذلك لا تقم بتفعيل دورة تدريبية الا اذا كنت مستعدا لدراستها
  2. لن تستطيع طلب الشهادات الا في حالة اتمام دراستك لكافة المحتوي التعليمي المتاح داخل قاعة التدريب الخاصة بالدورة التدريبية





مشاهدة محتوى الكورس

الرعاة