ازاي تبقي مبدع في الPresentation قدام الدكتور؟
ازاي تبقي مبدع في الPresentation قدام الدكتور؟
مهارات التقديم هي أكثر المهارات أهمية وطلبا مهما كان تخصصك ايه، سواء كنت طالب او خريج، والأهم إنك تعمله بطريقة Creative وتشد الناس.
طب إزاي ابقى مبدع -Creative- ؟
أولا: “Prezi”، أخر حاجة تفكر فيها هو استخدام “الPowerPoint”، دلوقتي الأكثر تقنية إنك تعرض البرزنتيشن بتاعتك علي “بريزي”.
http://Prezi.com
ثانيًا: “Formal”، اللبس بيفرق جدا، لأنه أول حاجة بتشد قبل ماتبدأ الكلام ويفضل تلبس فورمال.
ثالثاً: “Activities “، أكتر الحاجات اللي تشد جمهورك وتخليك مميز، هي الألعاب التفاعلية في بداية البرزنتيشن، زي انك توزع ورق على الجمهور عشان يفكروا في موضوعك، أو تلعب معاهم لعبة توصلهم فكرتك وتخليهم متشوقيين جدا.
رابعًا: من أكتر الحاجات اللي مش هتخلي الجمهور ميملش، هي استخدام “Visual Effects” أهمها الفيديوهات القصيرة والصور اللي هتخلي أي شخص بيسمعك، ينتبه.
خامسًا: حاول تشارك الدكتور معاك في الألعاب وفي الأسئلة.
سادساً: استخدم أكتر من أداة وانت بتعرض زي مثلا الLaptop، وإنك تكتب علي السابورة، أو تشرح على ادوات معاك هتجبها متعلقة بالموضوع.
سابعاً: متطولش في الوقت، وقسمه كويس بينك وبين الجروب بتاعك عشان الناس متزهقش، واعملوا Rehearsal بstop watch.
ثامناً: من أكثر الطرق جذبا وبجدارة، لو قدرت تعمل زي “جزء تمثيلي او اسيكتش” اثناء البرزنتيشن يوضح الفكرة، لو اجتماعية.