ازاي تجيب دخل ثابت من النت ايا كان مجالك ؟!

ازاى يبقى عندك اونلاين بيزنس يجيبلك دخل ثابت من النت ايا كان مجالك ؟!

قبل ما نبدا خلينا نتفق ان الخطوات والاستراتيجة اللى هنعرفها فى البوست مش سهله ونتائجها بتظهر مع الوقت ، يعنى لو بتدور على طرق سريعة او غير شريعة او لو انت من الناس ال بتستعجل النتائج ومش عايزة تتعب فا البوست ده مش ليك !

اما لو عايز تبنى بيزنس يجيبلك دخل ثابت طويل المدى من خلال النت من مجالك ال بتحبه يبقى كمل قراءة بتركيز .

ازاى تستفيد من البوست ؟

لو انت طالب فا لو قدرت تتعلم بعض او اغلب المهارات اللى هقولها فى البوست ده خلال سنين الجامعة فا اضمنلك انك هيبقى عندك دخل ثابت محترم وممكن تكبره براحتك ومش هتحتاج تكون موظف اصلا ..

لو انت خريج او بتشتغل فا انت لو وفرت من وقتك كل يوم نص ساعة بس فى تعلم الخطوات المذكورة فى البوست فاضمنلك انك بعد فترة لا تقل عن 6 شهور لسنة هتقدر يبقى عندك مدخل دخل محترم من حاجة بتحبها ..

زى ما قولت قبل كده فى عصر الانترنت والثورة الرقمية اللى بنعيشها مبقاش فيه اى سبب يمنعك انك متبداش تعمل بيزنس وتجيب دخل من الانترنت ايا كان مجالك اللى انت شاطر او متخصص فيه !

عشان يبقى عندك اونلاين بيزنس ثابت ومستقر محتاج حاجتين : ( digital skills + digital assets )

نبدا بال digital skills ال هى المهارات الرقمية هقولك المهارات الاساسية وتبدا تتعلمها وحده وحده على مهلك ..

1- مهارة الكتابة بشكل عام وبشكل خاص اتعلم الاتنين دول “ blogging + copywriting “
2- مهارة التسويق من خلال وسائل التواصل الاجتماعى “ Social media marketing “
3- البرمجة “ مش لازم تبقى خبير ، اتعلم الاساسيات فقط “
4- تهيئة وتحسين محركات البحث SEO
5- الفوتوشوب
6- ال vedio making عشان تعرف تعمل فيديوهات سواء على اليوتيوب او الفيس بوك وغيرهم
7- اهم مهارة فيهم بقى واللى من غيرها مش هتعرف تتعلم ال فوق دى وهى “ self learning “ انك تعرف تعلم نفسك بنفسك ..

ملحوظة مهمه جدا “ انت مش محتاج تتعلم كل المهارات دى مرة واحدة ، انت ممكن تتقن مهارة او اتنين منهم وانا ارشح انك تتعلم الكتابة و التسويق وال SEO ، وباقى المهارات ممكن تكون فريق من صحابك وكل واحد يتعلم مهارة معينة فيهم لحد ما يبقى شاطر فيها وتكملوا بعض فى الاخر ، او تتعلم كل المهارات دى بس دى هياخد وقت بس هيخليك برنس وتقدر تعمل بدل البيزنس مليون “

ثانيا بقى ال digital assets:

هقولك اهمهم اللى لازم تركز تبنيهم وحده وحده عشان تستخدم كل المهارات ال فوق دى ويخدموا على بعض ويطلعك فلوس ..

1- صفحات عليها متابعين مهتمين على وسائل التواصل الاجتماعى اهمهم الفيس بوك وتويتر وانستجرام ..
2- قناة على اليوتيوب ..
3- تعمل personal branding لنفسك من الاكونت الشخصى لو مش حابب تعمل صفحة ع الفيس بوك..
4- قائمة بريدية تكون لناس مهتمين بالمجال ال شغال بيه ودى تعتبر “ الكنز “
5- موقع او مدونة ودول سهلين مش قصة يعنى..

ملحوظة مهمة جداا : “ كل ال digital assets دى مش هتعرف تبنيهم الا لما تقدم قيمة وعلم وخطوات عملية تساعد بيها الجمهو المستهدف بتاعك ، يعنى شغل الاسبام و الخداع مش هيساعدك اطلاقا ، فحاول تبدا صح “

طب ايه هى طرق الربح من الكلام ال فوق ده ؟

حرفيا الفرص غير محدودة هقولك عن اللى جربتهم وانت لما تبدا رحلتك هتكتشف مليون فرصة وفرصة المهم تكون مبدع ..

1- لما تعمل موقعك او مدونتك و تكتب عليها محتوى يفيد جمهورك المستهدف تقدر تشترك فى جوجل ادسنس وتحط اعلانات على الموقع وتكسب بالدولار ..

2- تكسب من عرض اعلاناتك على اليوتيوب ، وفى امثلة كتييير فى مصر مش برة لناس زيي و زيك اصبح اليوتيوب بالنسبالهم مصدر دخلهم الوحيد وتخلوا عن شغلهم القديم وبيكسبو فلوس من حاجة بيحبوها بدون قيود ..

3- تبيع منتاج او خدمات مرتبطة بمجالك عن طريق “ التسويق بالعمولة “ وده مجال ناس بتكسب منه الاف الدولارات شهريا ومش مبالغة ..

4- تعمل خدمة او منتج اوفلاين وتبدا تزود مبيعاتك عن طريق ال digital assets بتاعتك ، سواء بقى كورس خاص بيك او منتج ملموس او خدمة معينة ،، كله حسب مجالك وخبرتك

5- لو كبرت وبقى عندك personal branding كويس هتلاقى شركات كتيير بتعرض عليك تعملهم اعلانات وتحط المبلغ اللى انت عايزه ..

وفى طرق كتيير وغير محدودة وكل ما تكبر وتقدم قيمة وتحل مشاكل لجمهورك المستهدف كل ما فرصك تكبر ..

مصادر عشان تتعلم الكلام ال فوق ده ” المصادر في منها مجانى وفى منها مدفوع ، اعتمد على الاتنين “:

1- هنا فى شوية كورسات مجانية من يوديمى متعلقين بالمهارات ال شرحتها هنا :
https://goo.gl/am1WR7

2- افضل كورس فى مجال الديجيتال ماركتينج وهيعلمك مهارات كتييير من ال فوق تقدر تحجزه من هنا : https://goo.gl/dvXxbf

3- لو عايز تبدا تتعلم برمجة من الصفر ، الكورس ده فى الخلاصة :
https://goo.gl/eu7ocK

4- مجال ال SEO كورس مجانى لواحد من افضل الناس فى المجال ، البرنس ” Neil Patel ” : https://bit.ly/2p1C81A
5- لو عايز تتعلم ال copywriting اتعلم من الموقع ده : http://www.abccopywriting.com/

6- كورس من الافضل مبيعا فى الفوتوشوب: https://goo.gl/Ug2dYc

7- لو عايز تعرف ازاى تلاقى افضل مصادر فى اى مجال شوف الفيديو ده :
https://goo.gl/Qnz2Wo

نصيحة العمر اتعلم ازاى تجيب دخل من النت وتبنى مملكة ليك تجيبلك دخل ثابت و اوعدك انك هتلاقى فرص لا محدودة ودخلك هيزيد مهما كانت ظروف البلد وهتكون فى امان باذن الله ..

اتمنى كل واحد فيكم يبدا يتعلم ويطبق ويسعى ويجتهد ، والله لو طبقتوا الكلام ده ، كل واحد فيكم هيبقى عنده مصدر دخل من الانترنت ويقدر يشتغل شغل بيحبه بس زى ما قلت لازم شوية صبر وتعلم مستمر .. ^^

ياريت متبخلش فى انك تشارك البوست مع كل حد انت شايف انه هيستفيد منه ، عشان نبدا مع بعض نبنى عالم فيه اغلب الشباب بتشتغل فى حاجة بتحبها وبتستخدم النت صح بدل ما تضيع وقت عليه وتشتكى ..