كورسات تنمية بشرية مهمi جداً لكل شخص على وجهه الارض مهما كان مجالك .!

نفسك تاخد كورس بس بتكسل وتقول بكرا هبدأ 

بتتمنى  تشتغل في جوجل ولا ميكروسوفت لكن مش عارف تتحرك ازاي

نفسك تعمل خطه وجدول وتمشي عليهم وتنفذهم في معادهم 

دماغك مليانه بالاحلام الي مش قادر تحولها الي خطط صغيره تحققها وتوصل لي هدفك 

عاوز تعمل حاجه وتبقى انسان مختلف مش عادي زي الي قابلك لازم تتعلم ازاي اصلا تتعلم 

محتاج تعرف أولوياتك وتحدد اختياراتك وحروبك الي هتدخلها 

لازم تعرف يعني ايه تنمية بشرية وشخصيتك وماهي ادوات التحكم فيها وازاي تحفزها وتقدر تطور منها 

لازم تطور من نفسك يبقى ضروري تبدأ من هنا من الباب الي هيوجهك للصح بس مش زي غسان مطر ويقولك اعمل الصح ويسيبك ويمشي

هنا هيعرفك الصح وازاي توصل له وازاي يكون دايما عندك شغف للعلم والتعلم وكيفية وضع خطط ودخول مجالات تعلم وادوات قياس استفادتك من وقتك وتقييم مستواك ومستوي تعلمك اي مجال نفسك تبدأ في 

عشان كده برشحلك النهارده اهم كورسين في التنمية البشرية 

 كورسات تنمية بشرية (تعلم كيف تتعلم )

اهم كورسين لكل شخص على وجهه الارض مهما كان مجالك .!

لما حد بيسالنى ابدا ب كورس ايه اونلاين ؟ المفروض اساله عن مجاله و اقوله اسال مختصيين فى مجالك يرشحولك افضل الكورسات , ولكن انا عندى اجابه مختلفه قبل ما اقول الجملتين ال فاتو دول , و هما كورسين اساسيين لكل فرد فى العالم ايا كان مجاله ..هيساعدك تحدد انت عاوز ايه وازاي توصل له وتختار طريقك من غير توهان ونبدا بالاكثر شهرة والي لازم تبدا بي الاول عشان يرتب لك افكارك وهو كورس ” Learning How To Learn ” من على منصه Coursera العالمية

و ده كورس مصنف من افضل الكورسات فى العالم الي جميع الفئات العمرية , لأن من اسمه كده بيعلمك ازاى تتعلم اصلا , ازاى عقلك بيشتغل , ازاى تتعامل مع التسويف او التأجيل ازاي متقولش هبدأ بكرا , ازاى تفهم طرق التفكير , ازاى تفهم وتحفظ وتتعمق فى اى علم وكنوز تانى كتيير بتسهلك اي مجال انت عاوز تدخله بعد كده وده لينك الكورس

” https://www.coursera.org/learn/learning-how-to-learn “

هتقولى عندى مشكله مع الانجليزى , هقولك الكورس مترجم عربى ابسط ياعم

خلي بالك الكورس مش مجاني لكن لو عاوز تاخده بشكل مجاني هتلاقي الطريقة هنا

 كورسات تنمية بشرية

الكورس رقم 2 معانا والي بعد ما تخلص كورسم تعلم كيف تتعلم هتدخل في بحيث تكون دماغك مترتبه هو كورس ” Mindshift: Break Through Obstacles to Learning and Discover Your Hidden Potential

و الكورس التانى ده بقى هو ابن عم الكورس ده و اخوه الصغير وبيكملو بعض بس لازم تبدا بالكورس الاول وبعدين تدخل على الكورس ده وهو

” هيعلمك ازاى تتغلب على عوائق التعلم و ازاى تتميز فى مجالك جدا وتكتشف قدراتك كلها و ازاى تستخدمها صح ايا كان سنك او مجالك و ده لينك الكورس

” https://www.coursera.org/learn/mindshift “

هتقابلكم مشكله وهى ان الكورسات دى بفلوس , بس احنا مصريين ومفيش حاجه بتقف معانا كورسيرا عملت حاجه اسمها الدعم المالى و ده معمول للطلبه الغلابه ال زي حالتنا كده بتقدم عليه وبتاخد الكورسات والشهاده ببلاش طب نعمل ده ازاى هتلاقو الخطوات كلها فى المقاله دى ” https://goo.gl/Jx79ml “

قبل ما انسى هتاخد الشهادات دى معتمده من جامعه ” McMaster University فى كندا ” وانت قاعد فى بيتك

 كورسات تنمية بشرية وكورسات اللغة الانجليزية 

وبكدة يكون انتهي مقالنا وتقدر تطلع علي كورسات وكتب قيمة تضيف لك في السطور الصغيرة القادمة

لو اخدت الكورسين دول تقدر بعدها تدرس اى حاجه فى الدنيا وانت مطمن وهتكون مميز عن ناس كتييير جدا , دول هما الاساس و الخطوه الاولى <

مواضيع اخري ذات صله 

افضل 4 برامج ترجمة فورية  دون الحاجة للاتصال بالإنترنت