برنامج مجاني لمصر وأفريقيا بيقدم كورسات
برنامج مجاني لمصر وأفريقيا بيقدم كورسات من البداية للمبتدئين ولحد مستوى متقدم في أهم مجالات التكنولوجيا
فرصة عظيمة لكل المهتمين بمجال الحاسبات سواء طالب أو حابب تتعلم لزيادة مهاراتك 
شركة IBM عاملة برنامج مجاني لمصر وأفريقيا بهدف نشر التكنولوجيا، اسمه IBM Digital-Nation Africa، وده برنامج بيقدم كورسات من البداية خالص للمبتدئين ولحد مستوى متقدم في أهم مجالات التكنولوجيا زي : Artificial Intelligence (AI) – Cybersecurity – Web Application – Internet of Things (IoT) – Data Science and Analytics – Blockchain – Coding – Cloud وغيرهم كتيررر…
انت بقى براحتك، تقدر تختار تخصص معين عايز تبدأ فيه أو تقدر تاخد المقدمة لكل تخصص من دول عشان تقدر تحدد هتختار إيه، وكل مقدمة أقل من 30 دقيقة، الكورسات دي بتبدأ معاك من الصفر، لحد ما توصلك لاحتراف التخصص اللي هتختاره، وبتعلمك كمان إزاي تقدر تستخدمه في سوق العمل، وكمان بعد ما بتخلص الكورسات دي بتاخد Badges، والبرنامج بيقدر يوصلك بفرص العمل المناسبه ليك ويوصلك بالشركات بشكل مباشر اعتماد علي المهارات اللي خدتها من الكورسات، وبيحدد أفضل الاقتراحات بالنسبه ليك، وبيقولك إيه المهارات اللي ناقصاك 
البرنامج بينقسم لـ 3 أقسام : 
– قسم Explorer :
وده عبارة عن مقدمة بسيطة ومهمة عن كل تخصص، بتخلص في اقل من 30 دقيقة، وبتعلمك المجال اللي انت هتختاره ده بيعمل ايه وايه استخداماته في سوق العمل من خبراء من جوه الشركة، والأفضل انك تاخده في البداية لأنه هيوضحلك الأساسيات، ولو حبيت التراك بعد ما تخلص المقدمة هيبقى بعده كورس مستواه أعلى.
– قسم Innovator :
وده بيخليك تشوف انت تقدر تصنع ايه في كل تراك قبل ما تتعلم عشان تتحمس، ده غير بقى الكورسات العملية.
– قسم New Collar :
وده المكان اللي بيكون فيه الكورسات اللى خدتها كلها والبروفايل بتاعك، واللى فيها بيتم اختيار الوظيفة اللي بتنطبق على مهاراتك وبيتقالك على الحاجات اللي ناقصة عندك
ــــــــ
خطوات التسجيل في البرنامج :
بتضغط على اللينك دة
، بعدها بتكتب اسمك واكتب الإيميل ودوس next ، واختار اسم جامعتك من أول خانة، واكتب الكود A111 ، ولو ملقيتش اسم الجامعة بتاعتك اختار أقرب جامعة ليك، ده بس علشان يعرفوا إيه أكتر الجامعات اللي فيها اهتمام بالتكنولوجيا عشان يساعدوهم في تدريبات من الشركة..
بعدين دوس على اللينك اللى ظاهرلك، وباقى الخطوات إنك تملى البيانات والإيميل وتستلم كود التفعيل من الإيميل بتاعك وتكتبه، وبعدين دوس proceed ، وتدوس على علامة الصح عشان يتبعتلك على الميل أى جديد، وتدوس complete registragtion ، ويبقى انت كده خلاص سجلت 