“مهارات المبيعات والتسويق “
“كورس المبيعات والتسويق ”
يختلف مفهوم التسويق من شخص لآخر فهناك من يعتبر التسويق هو مجرد عرض سلعة أو خدمة سواء من خلال المتجر الواقعي أو من خلال المتجر الالكتروني.
وهناك من يعتبره مهارة مطلوبة في سوق العمل لابد من دراستها وإتقانها لتحقيق أهداف البيع.
لذا سوف نأخذك معنا في رحلة شيقة وممتعة ومختلفة لتتعرف على التسويق وفن المبيعات وكأنها أول مرة تكتشف هذا المجال من خلال هذا الكورس
محتويات المقال :
تعريف التسويق .
أساسيات التسويق وتنقسم إلى:
المنتج أو الخدمة .
التكلفة أو السعر .
المكان .
الترويج .
★ تعريف التسويق /
التسويق هو عرض منتج أو خدمة بصورة هدفها لفت إنتباه العملاء وتوسيع دائرة المبيعات وهي كلمة مشتقة من السوق نظراً لأهمية السوق وما يحتويه من مجالات وسلع وخدمات ، وهدف التسويق الصحيح هو فهم إحتياج العميل أو المستهلك والإصغاء لمتطلباته ومحاولة توفيرها بأعلي جودة وأفضل سعر منافس .
★أساسيات التسويق /
أولا المنتج أو الخدمة : المنتج هو أساس عمليه التسويق والتي تدور بأكملها حول محوره ولابد من مطابقة المنتج للمواصفات المرغوبة لدي كل عميل من حيث الجودة حتي يتحقق عنصر الإرضاء لدى العميل ، فالعميل هو أول شخص بوسعه أن يعمل عملية تسويق غير مباشر للمنتج أو الخدمة نظراً لتحقق الشروط المطلوبه فيها عن طريقه إخبار اصدقاؤه ومعارفه عن هذا المنتج أو نقل تجربته الإيجابية وهذا أول أسباب توسيع نطاق المبيعات المطلوبة لديك.
ثانيا التكلفة أو السعر : لو هدفك من المنتج أو الخدمه هو البيع مش مجرد التقييم فلازم تركز على مرحلة التسعير إنها تكون مرضية لجميع الأطراف ، بمعني إنك تتأكد أنها هتعود عليك بالعائد المادي المطلوب اللي يغطي تكاليفها وكمان توصل للربح المعقول ، وفي نفس الوقت تراعي إن التسعير يكون في متناول الطبقة اللي بتسوق لها المنتج ، موضوع التسعير مش سهل لأنك هتلاقي منافسين كتير في السوق ولكن مع ضمان الجودة وحساب التكلفة الحقيقية وتسعير الربح المستحق بدون زيادة مبالغة وقتها هتكون حققت أهم محورين مطلوبين لدي العميل وهم ( الجودة والسعر) .
ثالثا المكان : مفيش شك إن المكان والديكور والألوان والموقع مهمين جدا في جذب العملاء وبالتالي كل ما ظبطت المكان من حيث العناصر دي كل ما كان سهل جداً على العميل الوصول ليك وإرشاد الآخرين عليه لو عجبته الخدمة أو المنتج ، وكذلك لو المتجر بتاعك أون لاين أو بيدج تسويقي ف أكيد اللوجو والألوان وطريقه العرض والكتابة وسد احتياجات العميل أو اقناعه ليه يشتري المنتج بتاعك إنت ؟
كل دي أساسيات متوقف عليها بيع المنتج بتاعك وتوسيع نطاق المبيعات والحصول على فيد باك إيجابي تقدر نستخدمه في لفت إنتباه العملاء المستهدفين وكمان تحقق عنصر المصداقية.
رابعا الترويج :
علشان تكتمل بالنسبة لك أركان بيع المنتج وتحقيق التارجت الخاص بيك شهرياً أو أسبوعياً لازم تعرف إن ترويج المنتج بتاعك له طرق مختلفة كتير جداً لازم تجرب معظمها أو تجربها كلها لأن كل عميل يختلف في ميوله أو في طريقة إقناعه ، يعني مثلا في عميل مش بيقرر يشتري منتج غير لو شاف حد تاني مجربه قبله فبالتالي لازم تنزل فيد باك العملاء دايما ،
في عميل تاني بيحب يجرب كل جديد ف هنا محتاج إنك تحسسه إن المنتج ده مختلف ويستاهل فعلا التجربه ،
عميل غيره ممكن يشتري بس صعب إقناعه وهنا إنت هتركز أوي في عرض مزايا المنتج والماتريال بتاعته ومصنوع فين مثلا وشكل الباكيدينج بتاعته وهكذا ،
أما لو بتسوق منتجك عن طريق مكان أو محل ف أهم مهارة مطلوبة عندك هي الإقناع والأسلوب السلس في التعامل والمرونة في التفاهم .
لازم تدخل على الكورس من هنا علشان يظهر إسمك ضمن المميزين على الموقع وتقدر تحصل على الشهادة
https://bit.ly/3oaj1RR ********************************
وده كان أول جزء من مهارات فن التسويق والمبيعات والمقال الجاي هيكون عن مهارات الإقناع جهز نفسك لرحلة ممتعة وشيقة في عالم المبيعات.