خطة مذاكرة الإيلتس: مجهود وعرق سنوات موجود في هذه المقاله
خطة مذاكرة الإيلتس: مجهود وعرق سنوات موجود في هذه المقاله
الإيلتس هو إمتحان تحديد مستوي للقبول في الجامعات الأجنبية أو الهجرة .. يعني مش إمتحان نجاح وسقوط
اللي عايز يقدم علي دراسة , محتاج إيلتس أكاديمي
واللي عايز يقدم علي هجرة , محتاج إيلتس جنرال
ينفع تمتحن بالورقة والقلم
وينفع تمتحن بالكمبيوتر
إمتحان الإيلتس بيمتحن فيك 4 مهارات
الإستماع .. وده عبارة عن 40 سؤال ومدته 40 دقيقة
القراءة .. وده عبارة عن 40 سؤال ومدته 60 دقيقة
الكتابة .. وده عبارة عن سؤالين (رسم بياني ومقالة في حالة الأكاديميك) أو (خطاب ومقالة في حالة الجنرال) ومدته 60 دقيقة
المحادثة .. وده عبارة عن 3 مجموعات من الأسئلة ومدته أقل من 15 دقيقة
عشان تستعد لإمتحان الإيلتس , محتاج في الأول خالص خالص تعرف معلومتين
المعلومة الأولي: مستواك الحالي في اللغة إيه ؟
ودي ممكن تعرفها من إمتحان تحديد المستوي اللي تحت
https://ihworld.com/learn/ih-english-language-level-test/
المعلومة الثانية: محتاج تجيب درجات إيه في إمتحان الإيلتس؟
ودي بتعرفها من المكان نفسه اللي هتستخدم فيه الشهادة سواء الجامعة الأجنبية اللي عايز تدرس فيها أو البلد الأجنبية اللي عايز تهاجر لها
وماينفعش تبدأ مذاكرة وإستعداد للإيلتس إلا بعد معرفة المعلومتين مع بعض
تحسين مستوي اللغة
لو نتيجتك في إمتحان تحديد المستوي اللي فوق طلعت
A1.1 (or) A1.2 (or) A2.1 (or) A2.2 (or) B1.1 (or) B1.2
يبقي أنصحك إنك تحسن مستواك في الإنجليزي بوجه عام في الأول قبل تبدأ تستعد للإيلتس
هتلاقي في البوست اللي تحت 4 كورسات مجانية
إشتغل منهم بالترتيب لتحسين مستواك
https://www.facebook.com/…/permalink/1176658022544736/
أما لو طلعت نتيجتك في إمتحان تحديد المستوي اللي فوق خالص
B2.1 (or) B2.2 (or) C1.1 (or) C1.2
يبقي ده ميعاد إجابة السؤال التاني اللي هو أنت محتاج تجيب كام في الإيلتس ؟
لو محتاج تجيب 6 أو 6.5 , يبقي أنت من طلاب المجموعة الأولي اللي هتذاكر علي 3 مراحل مذاكرة
أما لو محتاج تجيب 7 أو أكثر , يبقي أنت من طلاب المجموعة الثانية اللي برضه هتذاكر علي 3 مراحل مذاكرة
خطة المذاكرة
المرحلة الأولي للمذاكرة لطلاب المجموعة الأولي
بالنسبة للمجموعة الأولي (اللي محتاج تجيب 6 أو 6.5) , يبقي هتحتاج تذاكر كتاب للكلمات وكتاب للجرامر
هو ده كتاب الكلمات
Cambridge Vocabulary for IELTS
هتلاقي الكتاب نفسه وكذلك ملفات الصوت بتاعته في اللينك اللي تحت
https://drive.google.com/…/1OWJnoS-jWxrPUfnd56ml_jm…
وهتلاقي في البوست اللي تحت ملفات وفيديوهات هتساعدك جدا علي مذاكرة الكلمات قبل ما تحل التمارين من الكتاب
https://www.facebook.com/groups/577237292486815…
وده كتاب الجرامر
Cambridge Grammar for IELTS
هتقرأ صفحات الشرح لكل وحدة وبعدها هتحل صفحات التمارين
https://www.facebook.com/groups/577237292486815…
المرحلة الاولي لطلاب المجموعة الثانية
بالنسبة للمجموعة الثانية (اللي محتاج تجيب 7 أو أكثر) , هتحتاج تراجع علي نفس الكتابين اللي فوق
اللي هم
Cambridge Vocabulary For IELTS
Cambridge Grammar For IELTS
وبعدها هتحتاج تذاكر الكتاب اللي تحت
Cambridge Vocabulary for IELTS Advanced
هتلاقي الكتاب نفسه وكذلك ملفات الصوت بتاعته في اللينك اللي تحت
PDF: https://yadi.sk/i/GRg_xYiOO1qUmw
Audio: https://yadi.sk/d/SOSuRDe4hZfNjQ
OR
https://list-english.ru/audio/2012-2.html
وهتلاقي في البوست اللي تحت ملفات وفيديوهات هتساعدك جدا في مذاكرة كلمات الوحدات قبل ما تحل تمارين الوحدة من الكتاب
https://www.facebook.com/…/permalink/1470161036527765/
كده أنت خلصت المرحلة الاولي للمذاكرة واللي أهتمت فيها بحصيلة الكلمات والجرامر
المرحلة الثانية وكذلك الثالثة هتكون ثابتة لكل الناس سواء المجموعة الاولي اللي عايزة تجيب 6 أو 6.5 أو المجموعة الثانية اللي محتاجة تجيب 7 فيما فوق
المرحلة الثانية
في المرحلة الثانية هتهتم بمعرفة تكنيك الإمتحان لكل مهارة من المهارات الأربعة
فهتدرس كورس في كل مهارة
ولازم تتفرج علي كل كورس مرتين علي الأقل
مذاكرة الكورس للمرة الاولي
هتتفرج علي الكورس وهتوقف كل شوية عشان تكتب ملاحظات في أجندة خارجية
وهتروح كتب إمتحانات كامبريدج وتدور علي سؤالين من نفس نوع السؤال اللي لسه حالا مشروح في الكورس
وتعمل تطبيق للتكنيك اللي إتشرح علي السؤالين
وبعدين ترجع تكمل مشاهدة الكورس وتنفذ نفس الحركة بالظبط .. توقف مشاهدة – تكتب ملاحظات – تعمل تطبيق علي سؤالين
مذاكرة الكورس للمرة الثانية
هتتفرج علي الكورس علي بعضه ومش هتوقف مشاهدة إلا لو بس محتاج تزود أو تعدل الملاحظات في الأجندة
وبعد نهاية الكورس , هتروح تعمل تطبيق علي إمتحانين لنفس نوع المهارة اللي أنت لسه حالا مخلص الكورس بتاعها
يعني بعد ما تخلص مشاهدة كورس القراءة مرتين , هتروح تحل إمتحانين قراءة
وبعد لما تخلص مشاهدة كورس الإستماع مرتين , هتروح تحل إمتحانين إستماع
وهكذا
كورس القراءة .. كينو
https://tinyurl.com/yxvugo8r
كورس الإستماع .. كينو
https://tinyurl.com/y32yndux
كتاب الكتابة – السؤال الأول (أكاديمي وجنرال) .. آدم سميث
https://tinyurl.com/y626shwd
كورس الكتابة – السؤال الثاني (جنرال أو أكاديمي) – مات
https://tinyurl.com/yxaxtsra
كورس المحادثة .. كيث
Part 1: https://tinyurl.com/y34f25bw
Part 2: https://tinyurl.com/yxm8w9s5
Part 3: https://tinyurl.com/y3uwdz8w
كتب إمتحانات كامبريدج
إهتم بالكتب من رقم 8 لغاية رقم 15 فقط
ولو الوقت ضيق , يبقي أهتم بالكتب من 11 لغاية 15
https://www.facebook.com/…/permalink/1437895613087641
كده يبقي أنت خلصت المرحلة الأولي الخاصة بحصيلة الكلمات والجرامر وكذلك المرحلة الثانية الخاصة بتعلم تكنيك الإمتحان وحل الأسئلة
المرحلة الثالثة
هتبقي خاصة بالتمرين والتعود علي الإمتحانات
ودي هتشتغل فيها عن طريق إنك تحل إمتحانات كتب كامبريدج اللي موجودة في اللينك اللي فوق مباشرة
في الأول ممكن تحل إمتحانات نفس المهارة (القراءة مثلا) أكثر من إمتحان ورا بعض
ثم إمتحانات الإستماع أكثر من إمتحان ورا بعض .. وهكذا
ولكن بعد شوية , لازم تتعود علي إنك تمتحن الإمتحان كامل علي بعضه
يعني تحل إمتحان الإستماع في 40 دقيقة ثم بعده مباشرة إمتحان القراءة في 60 دقيقة وبعده مباشرة الكتابة في 60 دقيقة ثم بعده بشوية صغيرين إمتحان المحادثة في أقل من 15 دقيقة
بس في حاجة مهمة لازم تعرفها في المرحلة الثالثة
الموضوع مش بالكم ولكن بالكيف
يعني مثلا لو إمتحان القراءة الواحد مدته ساعة واحدة
وحضرتك عامل حسابك انك تذاكر كل يوم ٣ ساعات
يبقي مش معني كده إنك تحل ٣ إمتحانات قراءة
ولكن الأصح إنك تحل إمتحان واحد فقط
وبعدها تروح لاخر صفحات الكتاب عشان تشوف الاجابات الصح والخطأ
ولازم تعمل تحليل لسبب الإجابات الخطأ .. يعني إنت غلطت ليه ؟
تحليلك لسبب الخطأ هيخليك تعرف نقطة ضعفك وتذاكرها
وبعد كده خد وقتك وذاكر الكلمات الجديدة اللي قابلتك في الإمتحان
ولو هتحتاج قاموس , ممكن تعتمد علي قاموس كامبريدج الأون لاين اللي تحت
http://dictionary.cambridge.org/
دلوقتي بس تقدر تحل إمتحان جديد …. سواء من نفس المهارة (القراءة مثلا) او مهارة تانية خالص زي الإستماع مثلا
الكلام ده هتقدر تطبقه علي مهارتين بس .. اللي هم القراءة والإستماع
ولكن في مهارة الكتابة والمحادثة ، هتحتاج حد محترف ومتخصص عشان يصحح ويعمل لك تقييم وعشان يقولك علي أخطائك ونقط الضعف عندك
وبالتالي تقدر تذاكرها وتتغلب عليها قبل دخول الإمتحان الحقيقي
لو محتاج تحسن مهارة الإستماع والمحادثة بوجه عام , فهتلاقي في البوست اللي تحت شرح للطريقة
وهتلاقي علي مخزن الألعاب للموبيل أبليكشن بنفس أسماء البرامج المذكورة في البوست
فحاول تستغل وقت المواصلات (الصبح وبعد الظهر) لتطبيق الطريقة
https://www.facebook.com/…/permalink/1188484201362118/
بينما خلي البيت لمذاكرة الحاجات اللي فوق خالص الخاصة بمراحل المذاكرة الثلاثة للإيلتس
كده انا خلصت تقريبا كل كلامي
فاضل بس ملاحظة اخيرة ولكنها من وجهة نظري مهمة
حاول تبتعد عن السوشيال ميديا لغاية لما تخلص المذاكرة و الإمتحان
وركز في الخطة اللي بين إيدك وبلاش كل شوية تغير مصادر المذاكرة
لأن كل شوية هتلاقي حد بيشكر في حاجة تانية او كورسات تانية
علي فكرة , هو مش كداب ولا نصاب , ولا بيضحك عليك
بنسبة كبيرة , هو فعلا ذاكر من المواد اللي بيقول عليها وممكن كمان يكون جاب الاسكور اللي هو محتاجه
ولكن ده مش معناه إنك تسيب الحاجة اللي بين إيدك وتجري ورا كل حاجة بتسمع عنها
فكل الطرق تؤدي إلي روما
والتشتت من اكثر الحاجات اللي بتضييع وقت وبتجيب إحباط
وبلاش تصدق الدعاية اللي بتتعمل للكورسات بتاعت الدكاترة والمدرسين لأن معظمها بيكون دعاية مش حقيقية
مفيش كورس هيخليك تجيب الأسكور اللي انت عايز توصله (خصوصا لو مستواك ضعيف) إلا إذا كان مستواك في الإنجليزي بوجه عام تطور فعلا ووصل لمستوي كويس
نزل مواد المذاكرة من الللينكات اللي فوق وأعمل جدول مذاكرة وحاول علي قد ما تقدر تلتزم به
بالتوفيق إن شاء الله
المصدر: أحمد ممدوح Ielts support..