لو عاوز تاخد كورسات لكن اوقات بتلاقي سعرهم غالي فالحل موجود !
انك تاخد الكورسات دي ببلاش وبشكل قانوني
طب ازاي ؟
كورسيرا بتقدم خدمة الدعم المالي للأفراد الغير قادرين علي دفع ثمن الكورسات وبتتكفل بثمن الكورس كامل
في المقاله هنعرفك ازاي تحصل علي الدعم المالي كورسيرا
ومنصة كورسيرا هي من أفضل منصات التعلم الأون لاين علي مستوي العالم يوجد عليها الالاف من الكورسات ذات الجودة العالية
مش بس كورسيرا في مواقع كتير بتقدم كورسات بجودة عالية وممكن تحصل عليهم بشكل مجاني وحفاظاً علي وقتك جمعناهم كلهم في مكان واحد تقدر تلاقيهم هنا
لكن من وسط الآلاف من الكورسات بنرشحلك كورسات جوجل Google Career مدتها بتكون ٦ أشهر تقريبا وأنها تعادل درجة الشهادة الجامعية و مقدّمة علي منصة كورسيرا في المجالات التالية
IT support
project management
Data Analytics
UX Design
Android Development
تقدر تعرف عنهم اكتر من هنا
هتقدر تاخدهم جميعا مجانا من خلال الدعم المالي كورسيرا
يلا بينا نتعرف علي خطوات الحصول على الدعم المالي كورسيرا بالصور وبالتفصيل
اضغط هنا علشان تزور موقع كورسيرا وتبدأ الخطوات
في البداية اول خطوة هو عمل حساب علي الموقع
اولا وتعمل تسجيل دخول
ثانيا تعمل متابعة بالجيميل بتاعك او الفيس او حساب أبل أو أعمل حساب جديد
ثالثا أختار الكورس اللي عاوزه وأتاكد انه في الجملة دي “Financial aid available ” وأضغط عليها
رابعا هيحولك علي صفحة جديدة وتضغط علي continue to the application
خامسا أعمل علامه صح علي الخانتين واكتب الجملة اللي هتظهر لك بنفس الشكل وأضغط Continue
سادسا بتملي الخانات دي
سابعا بتكتب 150 كلمة على الأقل في كل خانة
اللي مش عارف يكتب ايه يعمل كومنت في البوست يقولي عايز الرسالتين هبعتهم له ويحطهم على طول
ثامنا ودي اخر خطوة بتجاوب علي السؤالين وتضغط علي Submit Application
بعد كدا انتظر 14 يوم وهيجيلك ميل أنك اتقبلت
وتقدر كمان تبدأ في اي كورس وتشاهد الفيديوهات وتأجل الامتحان لحد ما الدعم المالي كورسيرا يردو عليك وتتقبل في الكورس
لو أستفدت شارك المقال مع أصحابك وقولنا رأيك
كتبه : محمد بهاء