ازاي اعمل بحث علي جوجل بالصورة او الرموز الي تسهل عليا النتائج؟!
ازاي اعمل بحث علي جوجل بالصورة او الرموز الي تسهل عليا النتائج؟!
في ناس كتير بتسأل السؤال ده و مبتعرفش تعمل بحث احترافي عن موضوع معين او تحمل بعض الملفات او البرامج او بتخدل في متاهات في جوجل وبيجي ليها نتائج بحث غير الي عاوزينه .
الاجابة باختصار هتلاقيها هنا عن طريق شوية أسرار عن محرك البحث جوجل .بحيث تمكنك من البحث عن أي برنامج أو ملف أو صورة باحترافية في ثواني وتجيب ليك النتائج المحدده من غير ما تدخل في متاهات او مواضيع ملهاش لازمة ليك
● حاجات كدا زي ما بيقولوا خفافي : D=
————————–————–
ازاي اعمل بحث علي جوجل بالصورة او الرموز الي تسهل عليا النتائج؟!
✲ لو بتدور علي حاجة معينة مثلا “الأسد” وكل ما تكتب الأسد في البحث يطلع لك الحيوان، وانت عايز الأسد، رئيس سوريا يبقي تكتب الأسد -حيوان”، كدا هيستبعد اغلب النتايج اللي فيها كلمة حيوان.
كل ما تكتب الالماني يطلع ليك فيلم محمد رمضان وانت عاوز اللغة الالمانيه تكتب الالماني -فيلم الالماني”،
✲ لو بتدور علي كلمات أغنية مثلا او مقولة مهمة وعايز جوجل يدور عليها زي ما هي، حطها جوا علامات تنصيص “”
✲ لو حابب جوجل يدور لك علي اي حاجة في #فترة_زمنية محددة استخدم النقطتين “..”، بمعني، “الأفلام المصرية 2000..2010″ ”،”، بمعني، “تنسيق اكلية تجارة2000..2010″
=● حاجات اتقل شوية : 
———————–
عندك موقع سخيف ومش عارف تلاقي حاجة معينة فيه؟، سهلة، جوجل بيسمح لك انك تدور جوا اي موقع انت عايزة، كل اللي عليك تكتب اللي عايز تدور عليه وبعدها site:www.websitename.com
بمعني :
” مصر site:wikipedia.com”
كدا هيدور علي كلمة مصر جوا موقع ويكيبيديا كله !
● بتدور علي حل لمشلكة ما مستعصية ؟ 
————————–————————
ممكن بسهولة تكتب “SOLVED”/”حل” في وسط البحث بتاعك*
بمعني ان جوجل هيدور لك علي مواقع مكتوب انها حلت المشكلة فعلا مش مجرد حد عنده نفس المشكلة، وبيسأل زيك!!
● عايز تعمل Report في الكلية ؟! 
————————–———–
اكتب اسم الحاجة اللي بتدور عليها جمبها PPt هيجبلك كل البرزنتيشن اللي معمول فالمجال ده او اكتب PDF هيجبلك كل الملفات او اكتب Lec notes هيجبلك محاضرات لدكاتره بره او جوه مصر و منها هتقدر تعرف العناوين الاساسية والمعلومات الاساسية و الرسومات وغيرها اللي تقدر تحطها كعنوان للريبورت ثم ابحث عن كل حاجة فالعناوين دي منفصله علي النت
ازاي اعمل بحث علي جوجل بالصورة
هنبدأ عن طريق البحث بصورة من خلال الكمبيوتر
اول ماتفتح جوجل من كمبيوتر هتلاقي فوق علي اليمين كلمة images او صور اضغط عليها هيدخلك علي موقع google images وهتلاقي في ال search barرمز كاميرا اضغط عليها ومن ثم اختار الصورة الي عاوزها او صور صورة جديده واضغط enter هتلاقي جميع النتائج ظهرت لك
ازاي اعمل بحث علي جوجل بالصورة من الموبايل
من الموبايل سواء ايفون او اندرويد اسهل حيث انك اول ما تفتح جوجل هتلاقي في search bar علامة الكاميرا اضغط عليه وحدد الصورة او صور صورة جديدة عاوز تدور عليها واضغط بحث هتطلع ليك كل النتائج
وبكده يكون خلص المقال بتاعنا عن اسرار جوجل الخفية والمميزة للبحث السريع لو عاوز تستفيد اكتر هتلاقي في السطور القادمة مواضيع مهمه جدا
مواضيع اخري ذات صله
|
عمل CV احترافي مجاني -مواقع بتعمل و تقيم الcv بي احدث الطرق المستدخمه في البنوك والشركات
|