هتعرف تقنع العميل بالمنتج ولا هتستني يشتري لوحده ؟

علشان تحترف الإقناع لازم تدخل الاول على الكورس ده وتقولي رأيك في تعليق وبعدها تيجي تقرأ للملاحظات الهامه دي https://bit.ly/3oaj1RR

مقدمه /

لو العميل المستهدف بالنسبة لك مش عارف المنتج ده عبارة عن إيه وبيعالج مشكلته لو هو منتج أو هيساعده في شغله والحياة العملية لو هو منتج تفكتر هيفكر يشتريه ؟ 

-أكيد لأ .

لأنه ببساطه مش حاسس أنه هيفرق معاه بالعكس هو مش مقتنع كدا أنه هيدفع فلوسه في حاجه معلومه بالنسبة له.

علي عكس إنك تعرف احتياجه بالظبط وترشح له المنتج المناسب له وكمان تقنعه أنه أفضل حل ليه ومش هيلاقي زيه تاني ، مع طبعا ضمان الجودة والسعر المميز .

تعالي بقا أقولك كام تكة كدا هتفرق معاك في إقناع العميل المستهدف وتساعدك في تحقيق مبيعات أعلي ومتنساش إن هدفنا في الكورس هو زيادة مبيعاتك.

انضم دلوقتي لجروب التليجرام اللي عليه كل التاسكات والمقالات المهمة https://t.me/edumefree21

محتويات المقال . 

طرق فعالة لإقناع العميل.

التطوير الدائم.

التواصل المباشر والتجربة الشخصية.

احذر العشوائية.

★ طرق فعالة لإقناع العميل:

أولا : التطوير الدائم.

          – إسمع دائماً لآراء العملاء وركز على الرفيوهات واتكلم مع العميل بكل وضوح واسأله هل راضي عن المنتج ولا لأ ؟

سواء كان المنتج ده خاص بيك ومن انتاجك أو منتج بتسوق له ف الفيد باك بتاع العميل هيكون له أثر كبير معاك ، فلازم تجيب ورقه وقلم كدا وتكتب المزايا والعيوب ولو العيوب أكتر تحاول تطور المنتج دائما لحد ما توصل لأفضل نتيجه ميختلفش عليها اتنين

أما لو المنتج مش من إنتاجك فحاول تدور على البديل الاعلي جودة لكسب رضاء العميل وده هتشوف أثره من خلال التعاملات اليومية والشهرية .

ثانياً : التواصل المباشر والتجربة الشخصية . 

مينفعش تسوق منتج أو خدمة كل معرفتك عنهم الشرح المكتوب أو المسموع وبس!

لازم تجرب المنتج ده وغيره وتصور تجربتك صور أو فيديو لو تقدر لأن ده بيسيب أثر كبير في الناس بالنسبة للثقة وكمان لو منتج آمن على الأطفال وجربته على إبنك أو إبن أخوك أو أختك هنا العميل هيقتنع تماماً أنه آمن ، حتي لو لبس خد لهم وصورهم بيه ، حتي لو بتسوق أكل اعمل وصفاتك الجامدة ونزلها. 

يعني كلامي مش متوقف فقط على منتج معين للبشرة أو الشعر ، لا الكلام على كل المجالات أو الخدمات .

وطبعا لو شرحت طريقة الاستخدام اللي هي ممكن تكون بديهية جدا ومش صعبة لكن هتفرق مع العميل ، جرب كل الطرق اللي هيكون فيها تواصل وخلي المصداقية هي مبدأك لأن اكيد المنتج بتاعك في أفراد كتير جدا وشركات بتسوق له ، ف الاختلاف هنا هو اللي ممكن يخليك تحقق مبيعات إنت نفسك مكنتش حاطط تارجت لها!

ثالثاً : إحذر العشوائية.

قبل ما تقرر تخوض تجربة تسويق منتج معين أو خدمة لازم تعرف عنه كل حاجه وتشوف أولا مناسب للطبقه اللي هتسوق لها من جهه الأسعار ولا هتسوق له أون لاين وتجمع كل الطبقات .

من حيث الجودة ابحث وشوف تجارب الناس لو هو منتج متداول يستاهل إنك تبدأ تحقق له مبيعات ولا في حد اشتكي منه.

لازم تعرف كل حاجه عن المنتج ده من حيث الماتريال المصنع منها وبلد المنشأ وتبحث عن أفضل سعر توفره بيه ، وتحاول في كل مرة تعرضه على الناس تكتب معلومة عنه من اللي جمعتهم بحيث الناس تعرف إنه مش مجرد منتج عشوائي بالعكس ده له تفاصيل تانية كتير وتحسسهم إنه فعلا أفضل منتج وأنك افضل حد بيوفر المنتج ده . 

★★★★★★★★★★★★★

بعد ما عرفت بعض مهارات الإقناع دلوقتي جهز نفسك للمقال الجاي عن تحقيق أفضل نسبة مبيعات محتملة .

 متنساش تتابعنا على جروب التليجرام اللي هينزل عليه أهم التاسكات . https://t.me/edumefree21