Vivian Maier – مربية أطفال ولا مصورة عالمية هنحكلكم حكاية فيفيان ماير ركزوا معانا واستنوا حكايتنا الجاية…. الموقع الرسمي الخاص بفيفيان مير: http://www.vivianmaier.com/ اتولدت فيفيان ماير سنة ١٩٢٦م في الولايات المتحدة في نيويورك وفي فترة طفولتها كانوا على طول بيتنقلوا بين الولايات المتحدة وفرنسا ولما كان عمرها ٤ سنين والدتها كانت بتشتغل مصورة محترفة وانتقلوا سنة ١٩٤٠ عشان يستقروا في نيويورك. في سنة ١٩٥٦م انتقلت إلى شيكاغو واشتغلت مربية أطفال لمدة ٤٠ سنة وكانت بتحب السينما والمسرح واتعلمت اللغة الانجليزية من كتر ما بتروح المسرح وقضيت معظم وقتها في التمشية في شوارع شيكاغو بتصور بكاميرا Rolleiflex لكن عمرها ما سمحت لحد يشوف صورها كانت كتومة ومش بتتكلم كتير مع الأطفال اللي بترعاهم لكنها كانت مصممة انها توريهم العالم بعيداً عن الأماكن الغنية اللي هما عايشين فيها. ما بين سنة ١٩٥٩م و١٩٦٠م فيفيان قررت تطلع رحلة لوحدها تلف العالم وصورت فيها لوس انجلوس، مانيلا، بانكوك وشنغهاي وبكين والهند وسوريا ومصر وإيطاليا وفي السبعينات رجعت تشتغل تاني مربية اطفال ولكن لفترة قليلة. حاول الأخوان جينسبرج اللي فيفيان كانت مربيتهم انهم يساعدوها بعد ما كبرت في السن لانها كانت هتطرد من البيت اللي عايشة فيه في نوفمبر ٢٠٠٨ وقعت على راسها على الجليد وانتقلت للمستشفى لكنها لم تتعافى وتوفت في دار مسنين في شيكاغو سنة ٢٠٠٩. قبل وفاة vivian بسنتين مقدرتش انها تدفع إيجار المكان اللي بتخزن فيه حاجتها وبسبب ده اتباع نيجاتيف افلامها والمطبوعات والتسجيلات الصوتية وفيلم ٨ ملم في مزاد و اشتري ثلاثة من هواة جمع الصور أجزاء من اعملها هما john maloof و Ron slattery و Randy prow نشر slattery صورها على الإنترنت سنة ٢٠٠٨ بس مكنش في غير استجابات قليلة جداً من الناس على الصور. أما Maloof اشتري اكبر جزء من اعمال vivian وكانوا حوالي ٣٠ ألف نيجاتيف لانه كان بيشتغل على كتاب تاريخ عن الحي اللي هي كانت عايشة فيه واشترى بعدين صور تانية لـ vivian من مشتري تاني في نفس المزاد واكتشف اسم vivian على علبته لكن مقدرش يعرف عنها اي حاجة لما كان بيدور على اسمها على جوجل غير أنها توفيت في أبريل ٢٠٠٩ وفي أكتوبر ٢٠٠٩ قرر maloof انه يعمل مدونة على موقع فليكر مختار جزء من صور vivian وكان في استجابات آلاف من الناس. في أوائل ٢٠١٠ اشتري goldstone أحد جامعي الأعمال الفنية جزء من مجموعة vivian من prow اللي هو واحد من المشترين الأصليين. بعد ما جمع goldstone مجموعة vivian بقت المجموعة بتاعته بتشمل ١٧٥٠٠ نيجاتيف و ٢٠٠٠ مطبوعة و٣٠ فيلم محلي وشرائح كتير في ديسمبر ٢٠١٤ باع Goldstein مجموعته من الصور النيجاتيف للأبيض والأسود لمعرض Stephen Bulger في toronto وMaloof هو اللي بيدير المجموعة وعنده دلوقتي حوالي ٩٠٪ من إجمالي إنتاج vivian حوالي من ١٠٠ الف ل ١٥٠ الف نيجاتيف صور وأكثر من ٣٠٠٠ نسخة قديمة ومئات من الأفلام والأفلام المنزلية والمقابلات الصوتية. من بعد اكتشاف مجموعة فيفيان بعد وفاتها حصلت على اهتمام دولي واهتمام وسائل الإعلام الرئيسية وأعمالها ظهرت في معارض وافلام وثائقية وكتب. ماتنسوش تعملوا لايك وشير للحلقة لو عجبتكم وتشتركوا في القناة وتفعلوا جرس التنبيهات عشان مفيش حاجة تفوتكم وخدوا جولة في فيديوهاتنا هتستفادوا بوقتكم خدوا جولة في الاستديو اللي بنصور فيه من هنا https://youtu.be/C_rWp4i2pdk وشوفوا برامج مميزة تقدروا تستخدموها في التصوير http://ow.ly/nReY30rpGAX ولو انت مصور ضروري تدخل على فوميونتي https://www.phommunity.com/ تقدر تتابعنا على باقي حساباتنا في السوشيال ميديا CPC TV FB: http://ow.ly/8ACE30qU2Zy CPC FB: http://ow.ly/X1jC30qU2ZH FB group: http://ow.ly/EGj230qU2ZO Insta: http://ow.ly/unh730qU2ZV Twitter: http://ow.ly/Bf8e30qU301 TikTok: http://ow.ly/sXos30qU30f For Collaboration: https://www.cairophotography.club/ [email protected]
