6 حاجات لازم تكون موجوده في ال cv بتاعك
- November 26,2020
6 حاجات لازم تكون موجوده في ال cv بتاعك
أحفظ البوست ده في أي مكان هتحتاجه كتير بعد كدة
الCV دي إختصار لكلمة لاتينية أصلها curriculum vitae .. كلام جميل طيب أنا هستفاد إيه بالكلام ده؟ أستنى بس أصبر على رزقك البوست لسة طويل 🙂
بص ي سيدي .. الCV ده أول مرحلة من مراحل القبول بمعنى أنها الوسيلة أنك تعمل ال interview مع ال HR .. معظم ال HR للشركات العالمية بيكون قدامهم آلاف من ال CVs .. من الآخر كدة الCV مش بيكمل معاه نص دقيقة وبيشوف اللي بعده 🙂
طيب هنعمل إيه مش هشتغل يعني ..
أولا كدة أنسى فكرة أنك تحط صورتك في الCV مهو أنت مش رايح فرح 🙂
إلا بقى لو أنت مقدم على modeling job ساعتها عادي.
تاني حاجة الله يرضى عليك أنت مش بتعمل بحث و تكبر الخطوط وتلون وتعمل frames والكلام من ده .. الCV لل Fresh graduates ميزدش عن صفحتين و الخط كله بلون واحد ولو عاوز تفرق خلي العناوين Bold وحالول تخليها من 10 – 12 ويستحسن متتطلعش عن الخطوط دي Times New Roman & Arial & Calibri
كلام جمييل 🙂
طيب هكتب إيه بقى ! .. أستنى ي عم أهو جاينلك في الكلام 🙂
دول النقاط اللي هتوضحها في الCV بتاعك 🙂
1- Objectives:
دايما حاول تخلي الهدف بتاعك يكون عام متخصصش .. ولو زنقت معاك أوي أبقى ركز قبل ما تبعت للشركة علشان متبعتش اسم شركة تانية بالغلط ساعتها ال HR هيتقفل منك ومش هيكمل الCV .. طبعا وبلاش الأفورة إنك طول عمرك بتحلم تشتغل في الشركة دي من الأخر أنت بتشتغل علشان تقبض مش هتشتغل ببلاش ..
2- Education:
لازم تكون في أول صفحة من الCV وتوضحله فيها أتخرجت من جامعة إيه ومؤهلاتك .. نيجي لأهم حتة بقى
🙂 أنك تكتب ال GPA بتاعك .. متكتبوش إلا في حالة أنك جايب GPA عالي أوي أوي أما غير كدة شكليات
3- Internships, Extracurricular activities and Courses:
ده أهم قسم في الCV بتاعك لأن ده هوا اللي بيفرق بين Fresh graduates .. دول 3 أقسام هتكتب كل واحدة منفصلة وهتكتبله التدريبات اللي طلعتها وتوضحاله بالسنين ومش لازم تحط التواريخ إلا إذا كانت في سنة واحدة وتكتبه كدةJan 1 – Sep 30) ) والأنشطة اللي كت فيها في جامعتك وعملت فيها إيه والكورسات اللي أخدتها .. ومتكتبش حاجة ما أستفدش منها لأن أكيد الHR هيسألك فيها.
4- Soft skills or Personal behaviors:
هنا بقى مش لازم تكتب أي صفة تلاقيها قدامك لا .. مهوا هيطلب منك على الأق موقفين أو 3 يوضحوا الصفة دي فيك وساعتها هيبقى شكلك وحش لو ملقتش 🙂
5- Personal information:
دي خليها أخر حاجة دايما في الCV .. طبعا تكتب أسمك و رقم تلفونك والإيميل الخاص بيك .. بالله عليه متكونش مسميه King_Medo علشان أنا لو HR في شركة مش هقبلك 🙂
وبالنسبة للجنسية والعنوان ممكن متوضحهمش إلا إذا طلبوها منك أو بتقدم على شركة برة مصر ومش لازم تكتب حالتك الإجتماعية خالص أو تاريخ ميلادك أو المكان اللي أتودلت فيه.
6- LinkedIn account:
من الحاجات المهمة اللي بتضيف للCV قيمه أنك تكون حاطط له الأكونت بتاع LinkedIn .. وده علشان لو HR إحتاج معلومات زيادة عنك يلاقيها فيها .. وهنتكلم إزاي نزبطه في البوستات الجاية بإذن الله
November 26,2020
November 26,2020
November 26,2020
November 26,2020
December 05,2020
December 06,2020