الحلقات دي مرتبطة و مكملة للحلقة دي: استهداف أصحاب الدخل المرتفع: https://www.youtube.com/watch?v=__h1Y4FYOSE استهداف العقارات: https://www.youtube.com/watch?v=MkymbU-bKFo&t=309s ال lookalike و ال custom audience: https://www.youtube.com/watch?v=dw3J0rCOiIg&t=294s الأسباب عدم ظهور اعلانات الفيسبوك: https://www.youtube.com/watch?v=ztnM35yco5M&t=5s ده سكريبت الحلقة: في احصائية عملتها انا و اتنين صحابي اكتشفنا ان الناس اللي بتشتغل Digital marketing في مجال العقارات أكثر عرضة للاًصابة بأمراض القلب و المرارة و الشلل النصفي بنسبة ٧٨٪ أكتر من الانسان العادي. انهاردة هجيبلك كل اسرار اعلانات العقارات من طقطق لسلامو عليكو علشان تحافظ على مرارتك اهلا بيكم في حلقة جديدة من برنامج Digital Gossips قبل ما نبدأ لو سمحت اتأكد انك عامل subscribe و Activate ال notifications علشان توصلك الحلقات الجاية مافيش اتنين ممكن يختلفوا ان مجال العقارات هو اصعب مجال ممكن تشتغل فيه. بس في شوية حاجات عادة انت مش بتاخد بالك منها هي اللي عادة بتعمل المشاكل اللي بتواجهها و بالأخص أسخف مشكلة بتحصل و هي ان الاعلان ميشتغلش اصلا و يفضل active من غير ما يطلع اي نتايج او يعمل reach حتى.. خليك متابع الحلقة للآخر و هقولك حل أكيد لل مشكلة دي. و في آخر الفيديو هعلن عن مفاجأه قوية جدا تهم كل الناس اللي شغالة في مجال العقارات. طيب علشان نبتدي الموضوع بشكل مظبوط تعالى نرجع لورا شوية ونسأل نفسنا ألا هو ايه الفرق بين العقارات و بقية المجالات اللي خلقها ربنا؟؟ الحقيقة في ٥ أوجه اختلاف بين العقارات و بين معظم المجالات التانية. أول حاجة هي القيمة أو سعر العقار. تقريبا العقار هو أغلى سلعة الانسان بيشتريها في حياته و ده يودينا لتاني فرق و هو ان باعتبار ان ده اغلى سعر الشخص بيدفعه يبقى أكيد بياخد وقت أطول علشان يقرر يشتري ايه و من مين. تالت فرق هو ان العقار منتج معقد يعني مليان تفاصيل و محتاج دراسة اكتر قبل ما الواحد ياخد قراره ..رابع اخلاف هو وجود اختيارات كتيرة تخيل كام شركة بتقدم نفس المواصفات في نفس المنطقة اللي انت بتدور فيها و ده يخليك بتحتار تتعامل مع مين. و ده كله بيأدي لخامس سبب و هو ارتفاع سعر الاعلان فيه نظرا لجود منافسين كتير بيعلنوا بميزانيات كبيرة و عملاء حيرانين محتاجين وقت علشان يقرروا. كل كوكتيل الاختلافات اللي قولتها ده بقي لما بيجتمع بيسبب لحضرتك ٤ مشاكل أساسين هقولهملك الأول و بعد كده هقولك تتصرف معاهم ازاي. أول مشكلة هي ان حضرتك تيجي تعمل الحملة بتاعتك و تقول يا هادي تلاقيها مش راضيه تشتغل و واقفة في مكانها من غير ما تعمل reach حتى طب الحمد لله دارت و ابتدت تجيب قماش تقع في تاني مشكله ان النتايج قليلة جدا او التكلفة عالية جدا ربنا كرمها و الدنيا مشيت شوية و جاي تفتح ال lead sheet تتصدم و تلاقي الأسامي الناس الأنثى المشاغبة و عاشق حمو بيكا. طيب فلترنا ال leads و بعتناها لل client يجي يروح مديلك واحدة بوم سلام و يقولك محدش فيهم بيشتري و كلهم أي كلام الصراحة ليك حق مرارتك تتفقع. روح بقى اعملك كوباية قهوة و رش رشتين كحول و تعالى ركز معايا. أي حملة هتعملها على السوشيال ميديا مش شرط لمجال العقارات بتنقسم ل ٣ مراحل مختلفين. هنمسك مرحلة مرحلة فيهم و هتكلم ازاي نعدي من أصعب التحديات اللي فيها. أول مرحلة هي ال planning و دي اللي بتحصل قبل ما تبتدي شغل على الحملة بتاعتك و بتكون بتجهز فيها كل أوراقك. الغلطات اللي عادة هتقع فيها في المرحلة جزء منها ليه علاقة بال media plan و الجزء التاني ليه علاقة بال content أو المحتوى اللي هتشتغل بيه. خلينا نمسك جزء المحتوى الأول. مبدأيا انت لازم يكون معاك على الأقل من ٨ ل ١٠ posts مختلفين بس أوعى تحطهم كلهم مرة واحدة. انت هتبتدي ب ٣ بس في أول طلعة و الباقي هقولك تعمل بيهم ايه قدام. طيب ال١٠ دول فيهم ايه بقى؟؟ لازم تنوع في المحتوى اللي معاك لحد لما تفهم ايه اللي العميل بتاعك بيتفاعل معاه. فأنصحك تخلي ال ١٠ posts دول متقسمين للتصميم الخارجي للوحدة اللي بتعلن عليها، و شوية لحبة صور interiors للوحدة و صور مجمعة اللي هي بنقول عليها collage و فيديو او ٢ منهم واحد قصير ١٥ ثانية مثلا و واحد طويل دقيقة او دقيقة و نص. تعدد ال materials اللي في أيدك هيديلك فرصة تفهم ايه اللي بيشد الناس أكتر. طيب هل هناخد أي صور و أي design كده و خلاص؟؟ طبعا لأ.. العقارات من المنتجات اللي بتحكمها المظاهر جدا و ال image بتاعة شركتك مهمة جدا .. فمينفعش تستخدم صور مش بجودة عالية دول دي شوية أمثلة للصور اللي تنفع و الصور اللي متنفعش. خلى بالك لو قررت تنفض للمرحلة دي و تطاوع العميل بتاعك ولا مديرك تكلفة اعلانك هتكون عالية جدا لأن الناس مش هتتفاعل معاك بالشكل المطلوب و هتاخد relevancy score قليل. لو الموضوع كلفك في الأول تكلفة تصميم محترم مع designer تقيل ولا تصوير بجودة كويسة انت اللي هتستفيد في النهاية. تاني جزء في مرحلة ال planning هو ال media plan مينفعش في حملات منتج تقيل في بيعه زي العقارات انك تعتمد علي هدف واحد للحملة زي ال lead generation . لازم يبقى في توازن في الميديا بتاعتك علشان توصل للناس بشكل مظبوط. خلي جزء من ال budget بتاعك لويكن ٥٪ ل objective ال reach علشان توصل لعدد ناس كتير تعرفهم عن المشروع اللي بتسوقله و ١٠٪ مثلا ل objective engagement و ١٠٪ كمان video views و قسم الباقي بين website conversion و lead generation على حسب الأداء. خلى ال call to action اللي عامله لل في campaign ال engegement و ال reach و ال video يكون send message. علشان تسهل على الناس يتواصلوا معاك. كمان خلي في اعتبارك ان بعد شوية جزء من ال budget هتعمل بيه remarketing. التكملة في أول تعليق