في الحلقة دي هتكلم عن ٥ نصايح مهمة جدا ساعدتني اني اوصل لنتايج قوية من #اعلانات_فيسبوك يلا نبدأ بس قبل ما تنسى اعمل Subscribe و افتح ال notifications علشان توصلك كل الفيديوهات الجاية ده سكريبت الحلقة: أهم ٥استراتيجيات لاعلانات الفيسبوك ٢٠٢٠ إزيكم آنا عمرو كيلاني و انهاردة هتكلم معاكم على أهم الاستراتيجيات اللي طبقتها و ساعدتني اقدم نتايج افضل ل clinets زي Audi, Honda , University of Manchester, Al Futtaim Al Shayaa. مع التطور الكبير اللي بيحصل في اعلانات الفيس بوك و النتايج القوية اللي معظم المعلنين بيوصلولها عن طريقة مقارنة مع وسائل الدعاية التانية. ده خلى معلنين أكتر يبتدوا يستخدموا او يكبروا حجم تعاملاتهم على فيس بوك و ده طبيعي انه يخلي حجم التنافس أكبر بين المعلنين و بيرفع ال expectations عند ال Audience. يعني مافيش غير حل واحد علشان تفضل بتحقق نتايج كويسة غير انك تطور في ال strategies. أول ستراتجي هتكلم عليها هي ال #DynamicAds أي حد بيشتغل في ال #PerformanceMarketing عارف انك لازم تجرب تعمل variations من الاعلان بتاعك علشان فيس بوك يقدر يجرب اكتر من شكل للاعلان و يبتدي يعتمد على الاعلان اللي بيعمل افضل نتيجة. في الطبيعي كنا بكتب أكتر من Ad Copy و بنعمل أكتر من Design و نبتدي في مرحلة ال Ad Level نعمل أكتر من اعلان و بعد فترة نشوف انهي اعلان اللي قدم افضل نتيجة. الفيس بوك فيه Feature مهمة جدا مش كتير من الناس بتستخدمها اسمها Dynamic Ads. ال feature دي باختصار بتوفر عليك انك تعمل أكتر من اعلان عن طريق انها بتديلك أكتر من field لل Ad text و ال ال headline و ال call to action و ال ad creartive. و بعد كده فيس بوك بيبتدي يعمل ميكس بين كل ده و يجرب اكتر من شكل للاعلان و اول لما يلاقي formula معينة بتأدي ان الاعلان بتاعك يعمل Result بيبتدي يستخدمها أكتر ، و ده هيوفر عليك مجهود كبير و هيخلي ال facebook يعمل جزء كبير من ال #optimization بدالك. بس خلي بالك لو ال Budget بتاعك مش كبير متكترش في ال variations لأن فيسبوك علشان يحكم على اعلان اذا كان كويس او لا بيبتدي يخليه يظهر ٥٠٠ impression لو ال budget اللي معاك كبيرة تقدر تستخدم variations اكتر من غير ما تقلق. بما اننا ابتدينا الكلام على ال ad testing و ال dynamic ads خلينا نتكلم عن تاني #strategy و هي ال Ad Grid Method الطريقة دي مختلفة شوية عن ال Dynamic ads لأننا بنتبدي نعمل test لأكتر من Audience مع اكتر من message فا مثلا لو بنعمل campaign لجامعة ممكن يكون في عندنا أكتر من نوع Audience زي طلبة ثانوي اللي بيختارو الجامعات اللي هيقدموا فيها و في أهل الطلبة دول اللي بيحاولوا يساعدوهم في الاختيار . طيب دول اتنين audience مختلفين خالص و علشان نقدر نفهمهم أكتر محتاجين نجرب أكتر من Marketing message زي ان الجامعة دي عندها methodolgy بتمزج بين التعليم العملي و النظري أو ان جامعة دي الخريجين بتوعها شغل بنسب أكبر من باقي الجامعات أو ان عندها partnership مع جامعة أجنبية و انك ممكن تكمل تعليمك هناك. و بعد كدة نجرب تأثير كل marketing message مع ال 2 audiences و بعد فترة نحلل النتايج و مثلا نكتشف ان الطلبة مهتمين أكتر مثلا بفرصة السفر علشان يكملوا تعليمهم و ان الأهل بيتهموا اكتر بنظام التعليم اللي بيدمج الجزء انظري و العملي و بكدة نكون قدرنا نفهم ال Aduience بتاعنا بشكل صح. تالت strategy بقى انا هعتبرها من أذكي ال tricks اللي هتكلم عليها تقريبا بشكل يومي ناس كتير بسألني نفس السؤال أكتب Ad copy كبيرة و مفصلة ولا قصيره .. أحط صور حقيقية للمنتج بتاعي ولا استخدم designs abstract و اسئلة كتير من نفس النوع .. الحقيقة مافيش اجابة صح للسؤال ده لأن باختلاف نوع ال Audience اللي بتسوقله و نوع ال Industry اللي انت شغال فيها كل مرة هيبقى في اجابه مختلفة . بس في حل بسيط جدا يخليك عندك اجابة مبدأية من حتى قبل ما تعمل testing للافتراضات دي و هي انك تشوف اعلانات المنافسين في نفس المجال بتاعك بشكل مستمر و تحاول تعملها Analysis و تشوف ال audience بيتفاعل أكتر مع ايه. مؤخرا بعد مشكلة فيس بوك في وقت الانتخابات الرئاسية في أمريكا بقى في option انك تشوف الاعلانات اللي شغالة في أي page من غير ماتحتاج أي tools ادخل على اي صفحة عايز تشوف الاعلانات بتاعتها و دوس على Page transparencey و بعد كدة Ad library بيتهيقلي هيبقى عيب قوي نبقى في ٢٠٢٠ أتكلم عن أهمية ال video في اعلانات الفيسبوك بس ال strategy الرابعة مش هتعرف تطبقها غير لما تكون بتشتغل ب videos ال strategy دي باختصار معتمدة انك تعمل Re-Targeting للناس اللي شافت أكتر من ٧٥٪ من الفيديو. عن طريق ال custom audience لأن الشخص اللي شاف فيديو عن المنتج بتاعك و كمل أكتر من نص الفيديو هو عادة شخص مهتم انه يعرف اكتر او يشتري المنتج بتاعك. فا لو عندك مثلا campaign ال objective بتاعها lead generation ممكن تبتدي تعمل campaign video views الأول هتبتدي تجبلك results كتير بتكلفة بسيطة و بعد كده تعمل. Retargeting للناس اللي شافت اكتر من ٧٥٪ من الفيديو. خامس strategy هي الصراحة مش strategy أوي .. هي نصيحة في ٢٠٢٠ و السنين اللي بعد كدة . زود ال budget بتاع اعلاناتك .. بالهداوة كده و من غير ضرب. الفيس بوك او ال platform بتعتمد بشكل اساسي على الlearning phase علشان تعمل optimize لأدائها. و كل ما ال bugdet بتاعتك بتزيد ده بيخلي ال ad account يتعلم أكتر و أسرع عن ال Audience بتاعك و يحسنلك نتايجك أكتر.. فا لو ال budget بتاعك قليل و مش بيقدر يخليك تشتغل بال full power هتلاقي ان يا دوب ال campaign بتعمل learning و قبل ما تستفيد انت من نتايجها تلاقي ال budget خلصت