اهلا بيكم فى كورس الترجمة. ايه اهمية انك تذاكر الكورس ده ؟ 1. الكورس ده هيأهلك بالإضافة لكورسات تانية معاه إنك تعمل كمترجم 2.لو إنتا لسه طالب فالكورس ده هيغطى معاك لحد نهايو منهج 3ث الجزء الخاص بمهارة الترجمة الكورس هوا تدريب بشكل اساسي على مستوى متقدم من مهارات القراءة و الكتابة باللغة الإنجليزية و التى تعتبر من المهارات الأساسية لأى لغة . ازاى توصل للكورس؟ الكورس كاملاً مقدم مجانى على القناة فى قائمة التشغيل دى مرتب ايه نظام الكورس ؟ – فى اول 14 درس هنتدرب مع بعض كل حلقة على قطع إنجليزى و عربي بتتناول موضوعات جديدة و هنترجمها و هتحصل منها على حصيلة كلمات ومصطلحات لغوية كتير كمان هتتعلم ازاى تصيغ الجمل العربى و الفرق بينها و بين صياغة الجمل الإنجليزية . – من اول الدرس ال 15 من الكورس هنضيف جزء جديد للدرس وهيا انك هتبدأ تتدرب إنك تترجم بنفسك عن طريق واجب فى نهاية كل حلقة هتحله فى التعليقات و هنحل الواجب مع بعض بداية الدرس ال بعده و ده هيساعدك تقيس درجة تقدمك. ازاى تعرف اذا كان مستواك مناسب للكورس ده و لا ؟ اسمع اول درس و اذا حسيت إن نسبة الإستفاده 40% او اكتر اذا فهوا مناسب ليك طب اذا اقل انصحك ترجع لكورس قواعد اللغة الإنجليزية و كورس الكلمات. ازاى تذاكر الكورس؟ – اول حاجة هات كراسة او اسكتش تكون خاصة بالكورس ده بس – فى كل حلقة هتكتب الكلمات الجديدة و هتكتب معناها بالعربى و مثال موجود فيه الكلمة . – أثناء الشرح هتسجل اى ملاحظة لغوية . – لما تلاقى جملة ليها صياغة شايفها جديدة عليك او صعبة ، اكتب الجملة عندك و اكتب ترجمتها و من وقت لتانى راجعها قراءة بس. – اخر حاجة متنقلش على درس جديد قبل ما تتقن و تراجع الدرس ال قبله لو عنك اى سؤال او استفسار اكتبه لينا فى التعليقات و هنرد عليه بإذن الله. اتمنالكوا التوفيق:)
