اول حلقة من حلقات How to be a creative Vlogger المقدم من Cairo Photography Club وبرعاية Canon بنتكلم عن: – معنى كلمة فلوجينج وبلوجينج وازاي الموضوع بدأ – اسأل نفسك ايه المحتوى اللي هتقدمه – مميزات الفلوجينج:التسجيل والمشاركة – ليه تعمل فلوج؟ ايه الهدف من انك تعمل فلوجز, عايز توصل ايه للجمهور؟ – نوع الفلوجز – مراحل الفلوج: التحضير: – التغذية البصرية: ما تخترعش العجلة من الاول دور على فلوجرز محتواهم مختلف جذاب غني وشبه اللي عايز تقدمه, حلل الڤلوجز وسجل ملاحظاتك، لاحظ التفاصيل والالوان والمؤثرات الانتقالية والموسيقى نوعها ايه ورتمها, ايه المؤثرات الصوتية والبصرية المستخدمة شكل المحتوى والأفكار والمواضيع اللي بيتناولوها, قسم واعرف ايه اللي بيعجبك ومش بيعجبك عشان تقدر تستفيد ويلهمك وتكون استايل خاص بيك، وده هو الهدف, وتجنب تماماً الوقوع في التقليد – مواضيع المحتوى في الفلوجز فيها مساحة واسعة جدا زي (الاكل, الرياضة, السفر, مجال انت شغال فيه, مواضيع عامة…الى اخره) – دايما يكون معاك نوت على الموبايل عشان تسجل فيه اي فكرة تجيلك لفلوج ممكن تعمله والفلوجز مش بتكون محتاجة سيناريو ومحتوى بشكل نصي تقدر تسجل بشكل ارتجالي بس ضروري تكون محضرله عشان تطلع بأفضل كادرات وزوايا – مدة الفلوج: في الحقيقة مفيش مدة معينة للفلوج فيه فلوجز بتقعد ساعة أو ساعتين ولكن المتوسط انه مايزيدش عن 30 دقيقة وانه يكون فيه احداث مشوقة وجديدة عشان خاطر مايحصلش ممل والناس تفقد اهتمامها – تحديد المنصات اللي عايز تقدم فيها المحتوى بتاعك زي اليوتيوب والفيسبوك والانستجرام ولكن اليوتيوب هو الاساس فتبدأ تعمل قناة عليه وتختار لها اسم له علاقة بيك او بالمحتوى اللي هتقدمه عشان يكون سهل على الناس انها تلاقيك لما تدور -Youtube Guidlines اقرأ ال : https://www.youtube.com/about/policies/#community-guidelines -Copyrighted Materials خلي بالك من الـ – المهارات المطلوبة: الموضوع بسيط جدا ضروري انك تعد محتوى مختلف وعندك مهارات كتابة المحتوى, مش لازم تكون مصور ولكن مهم يكون عندك معرفة بأساسيات التصوير الفوتوغرافي والفيديو (يعني ايه اضاءة وفوكس وشاتر) عشان تقدر تطلع بالرؤية بتاعتك وباحسن جودة في الفلوج وكمان لما تشتري الكاميرا تتعلم ازاي تستخدمها وتتحكم فيها وتضبط الاعدادات ومهم بردوا تتعرف دايما على كل حاجة جديدة في المعدات اللي بتستخدمها للصوت والصورة لان كل فترة بيطلع حاجات جديدة تسهل الفلوجينج واخر حاجة تتعلم تعمل مونتاج وتعديل على الفيديوهات وتدرب على استخدام واحد من برامج التعديل و ازاي تستغل ادوات البرنامج او يكون عندك حد بيعمل ده لانه عادة الفلوج بيتصور على مراحل وكمان بيتضاف له مؤثرات صوتية وموسيقى وحاجات تانية هنتكلم عنها الحلقات الجاية كده خلصنا اول حلقة واتمنى تكونوا استفدتوا فاضل اننا نتكلم عن المعدات بالتفصيل وبرامج المونتاج وازاي تنفذ الفلوج ويطلع مختلف ومتميز ده اللي هنتكلم عنه الحلقات الجاية لو عجبتك الحلقة متنساش تعمل like, share and subscribe واستنانا في الحلقات الجاية اللي هنتكلم فيها عن كل حاجة خاصة بالفلوجينج, شكرا ليكم Facebook | فيسبوك https://web.facebook.com/cpctvofficial/ Instagram | انستجرام https://www.instagram.com/cpctvofficial/ Twitter | تويتر https://twitter.com/cpctvofficial TikTok | تيكتوك https://vm.tiktok.com/7HRmsQ/ E-mail [email protected]