هنتعرف في الحلقة دي علي السيلز فانيل ايه هي ؟ ليه تستخدمها ؟ وازاي ممكن تحسن وتزود بيع المنتجات ؟ وهنتعلم ازاي نصممها ؟ وتجربه عمليه : ازاي عملت ١٠٠ مبيعه من المنتج بتاعي خلال اول شهر ؟ -السيلز فانيل السيلز فانيل ترجمتها قمع المبيعات يعني القمع اللي من خلاله بتصفي الجمهور وبتطلع منه اكبر عدد من المشترين ومنه بتجمع بيانات المهتمين بمجالك وهي أداة بتستخدم في تسويق المنتجات وأخيرا بقت بتستخدم بشكل كبير في البيزنس سواء مشروع فردي صاحب المشروع نفسه بيعمله أو قسم التسويق في شركه فوائد السيلز فانل ؟ – زيادة معدل التحويل – ‏زيادة المبيعات – ‏تحفيز العملاء المحتملين علي شراء المنتج – ‏جذب اكبر عدد من الناس للنشاط التجاري الخاص بيك – ‏تكوين قاعدة بيانات عن الفئة المستهدفة شكل السيلز فانل ؟ السيلز فانل عبارة عن كونسبت واستراتيجية في الاول والاخر وتقدر تستخدمها في حاجات تانيه بعيدا عن التسويق والبيزنس فشكلها في الغالب بيختلف علي حسب كل مشروع وهتلاقي كل واحد بيرتاح لشكل معين يعمل بيه السيلز فانيل