كل ما كانت واضحة وقوية ومبنيه علي معطيات حقيقية وفيها تفكير ابداعي للوصول للاهداف الواضحة كل ما كبرت الشركة والمشروع اكتر والعكس صحيح علشان كدا في خطة التسويق دايما يفضل التأني والتفكير خارج الصندوق والتأكد والتحقق من البيانات ووضوح الاهداف هنتعلم ازاي نعمل خطة تسويق متكاملة واضحة ومركزة علي النقاط الرئيسية اللي بتشكل فارق كبير من الخطة ودا ايضا نتاج خطط تسويق عملتها لاكتر من مشروع منها اللي نجح واللي فشل وخطط التسويق بتبقي متغيرة من شخص للتاني ومن شركة لشركة تانيه لكن هنتعلم الخطة الاساسية والنقاط الاساسية اللي مينفعش اي خطة متبقاش محتوية علي البيانات دي وكمان الخطة دي تنفع لمعظم المشاريع اولا : محتويات الخطة سريعا 1- تحليل الموقف : احنا واقفين فين ؟ 2- الاهداف : عايزين نروح فين بالظبط ؟ 3- الاستراتيجيات : هنستخدم ايه ؟ 4- التيكيتكات : هنستخدم الاستراتيجيات دي ازي وهنتحرك ازاي ؟ 5- التنفيذ : التحركات ومين اللي هيتحرك وموعد التنفيذ ؟ 6- التحكم : متابعة الخطة والنتائج . 1 – تحليل الموقف ودي البداية الصح لأي خطة تسويق ولاي خطة عموما هي انك تحدد انت فين الاول علشان تعرف هتتحرك ازاي من المكان اللي انت فيه ودا بيتم بأكتر من حاجه 1- تعريف المشروع : وهي وصف موجز للمشروع ولاهم تفاصيل المشروع زي ايه طبيعة المشروع وهدفه ايه ؟ يعني مشروع خدمي ولاصناعي وفي مجال ايه وفي تخصص ايه خدمات ومنتجات المشروع ؟ معلومات اخري زي فريق العمل وخلافه . 2- تحليل البيئة وابسط نموذج للموضوع دا هو نموذج هو سووت واللي بينص علي : نقاط القوة : الفرص : نقاط الغضف : التهديدات : 3- تحليل المنافسين وهنا بنعمل جدول بنكتب فيه اسماء المنافسين خدماتهم الاسعار الترويج وبيانات اخري متخصصه في مجال العمل 4- الجمهور المستهدف وهنا بنقسم الجمهور لشرائج وبنبدأ نفصل كل شريحة ونوضح بيناتها زي السن والنوع والمكان والاهتمامات وغيرها 2 – الاهداف عرفت ان انا في المحلة بحدد انا عايز اروح فين بالظبط وكل ما كان اقل كل ما كان افضل فمثلا عايز اروح القاهره وكل ما حددت كل ما كان احسن برضو عايز اروح مدينة نصر وهكذا وهنا بنكتب هدف الخطة التسويقية او اهم اهدافها ودايما معظم الخطط التسويقية بتبقي شغاله علي اهداف رئيسية زي زيادة المبيعات تثبيت الصورة الذهنية الوعي بالمشروع التواصل مع العملاء وهكذا 3 – الاستراتيجيات عرفت انا في المحلة وعايز اروح القاهره هحدد هروح باي وسيلة مواصلات مثلا هروح مكروباص او اتوبيس او تاكسي او عندي عربية وهروح بيها وهنا بنحدد الاستراتيجية اللي تنقلك من مكانك للهدف مثلا : الميزة التنافسية : انت شايف انك لو عملت ميزة تنافسية اكتر هتقدر توصل اسرع او محتوي علي السوشيال ميديا وهكذا 4 – التيكتيكات وهنا هندخل في تفاصيل ادق في الخطة هنحدد نقط ادق زي لو هنسوق سوشيال قنوات التسويق اللي هنستعملها زي التواجد في المناسبات 5 – التنفيذ هنفذ ازاي وامتي ومين اللي هينفذ في حالة اللي شغالين علي الموضوع دا تيم 1- وهنا بنعمل جدول او اكتر من جدول مثلا لو هنعمل محتوي تسويقي هنعمل جدول بنكتب فيه المهام اليوم نوعية المنشور التمويل النوع وهكذا لكل جدول بتكتب النقاط الاساسية اللي فيه 2- فريق العمل 3- الاحتياجات 4- الميزانية 6- التحكم صفحتنا على الفيسبوك : https://bit.ly/2EgxQvx