التهاب اللثة و نزيف اللثة كتير اوى بسمع الجمله دى دكتور ” كل ما اجى اكل تفاح او اغسل اسنانى ” اللثة تنزف و يحصل نزيف اللثة و تجيب دم و المشكله ان لما الشخص بيلاقى نزيف اللثة بيحصل مع غسيل الاسنان بيبداء يوقف استخدام فرشاة الاسنان و يبطل يغسل اسنانه بالفرشة و المعجون و من هنا بيبداء يزيد التهاب اللثة اكتر و بشكل اكبر من الاول و ده بيحصل لينا كلنا و لكن بيحصل بشكل اكبر خلال فتره الحمل كمان و ده بسبب التغيرات الهرمونية اللى بتحصل عن الامهات الحوامل طيب سؤال فى حاله التهاب اللثة ايه اللى المفروض ان الام الحامل تعمله او اى حد بشكل عام عنده نزيف اللثة ايه اللى ممكن يعمله اول حاجه انه يستمر فى استخدام الفرشة و المعجون و يستمر فى غسيل اسنانه حتى فى وجود نزيف اللثة تانى خطوة يبداء بتنظيف جير الاسنان و يعتبر جير الاسنان هو رقم واحد فى التهابات اللثة و نزيف اللثة فرشاة الاسنان و غسيل الاسنان مش بيقدر انه يكسر الجير او ينضف جير الاسنان عشان كده ازاله جير الاسنان بتكون عند دكتور الاسنان الافضل ان يتعمل فحص للاسنان و تنظيف جير الاسنان كل 6 اشهر طيب يا دكتور بعد ما نعمل تنظيف الجير هل نزيف اللثة هيتوقف لا يعنى بعد ده كله هيفضل فى نزيف من اللثة و التهاب فى اللثة ايوة .. هنا بيجى دورك الشخصى احنا علاجنا السبب الرئيسى لكن لسه التهاب اللثة موجود و ده بيحتاج اننا نهتم بنظفه الفم و نمشى على مضمضة لالتهابات اللثة لمدة اسبوعين و دى بتكون عباره عن مضمضة فيها مادة كلورهيكسيدين و دى الماده اللى بتعالج التهاب اللثة بنستخدمها ازاى بقى .. بنمضمض بيها مرتين فى اليوم لمده اسبوعين مره الصبح بعد الفطار و مره بالليل قبل النوم علطول ليه ؟ عشان يفضل مفعول المضمضة شغال فترة كبيره و احنا نايمين و يعالج التهاب اللثة