اهم انواع معجون الاسنان اللى لازم تكون عندك فى البيت و اهمية معجون الاسنان و هل ينفع استخدم اى نوع من انواع معجون الاسنان انواع معجون الاسنان و السؤال اللى ملوش جواب لحد دلوقتى لكل دكتور اسنان .. دكتور ايه احسن معجون اسنان استخدمه و الاجابة على سؤال زى كده بيعتمد على احتياجك الشخصى يعنى ما ينفعش تستخدم نوع معين من معجون الاسنان فى كل الحالات و لكن اولاً خلينا متفقين ان فى نوع اساسى من معجون الاسنان اللى لازم يكون عندنا كلنا فى البيت و هو معجون الاسنان ضد تسوس الاسنان او للحماية من تسوس الاسنان و ده معجون الاسنان العادى اللى المفروض بنستخدمه بشكل اساسى كل يوم و ده بيكون فى فلوريد و خلينا متفقين ان كل انواع معجون الاسنان بيكون فيها فلوريد و نفس نسبة الفلوريد الفرق ما بين كل نوع معجون اسنان و التانى بالنسبة لمعجون الاسنان ضد تسوس الاسنان بيكون فى الطعم معجون الاسنان فى ناس بتحب الفرولة و فى ناس بتحب طعم النعناع و هل بيعمل رغوة ولا لا لكن فى الاخر كله واحد طيب هل معجون الاسنان ضد تسوس الاسنان او للحماية من تسوس الاسنان بيعالج تسوس الاسنان ؟ لا .. مفيش معجون اسنان موجود فى العالم بيعالج تسوس الاسنان طول ما التسوس حصل يبقى لازم يتنضف و يتعمل مكانه حشوة دائم او حشوة تجميلية لو عايز تعرف انواع تسوس الاسنان ممكن تشوف الفيديو ده انواع تسوس الاسنان اعرف انت اى نوع فيهم ؟ https://youtu.be/WNFDzAU93fA نيجى بقى للنوع التانى من معجون الاسنان و هو معجون الاسنان لنزيف اللثة و ده معجون الاسنان اللى بتسخدمة فى حالات التهاب اللثة و فى انواع كتير من معجون الاسنان لنزيف اللثة و لكن من احسنهم الـ parodontax معجون اسنان بارودونتكس مشكلتة ان بيكون طعمة ملح جداً و صعب جداً و لكن مفعوله ممتاز كا معجون اسنان لنزيف اللثة كمان ممكن تعرفو اسباب نزيف اللثة و ايه طرق علاجها من الفيديو ده ليه بيحصل ( نزيف اللثة ) مع غسيل الاسنان ؟ التهاب اللثة و جير الاسنان https://youtu.be/6hfJpbcdQxo ثالث نوع معانا هو معجون الاسنان للاسنان الحساسة و ده معجون اسنان بيستخدم للناس اللى عندهم حساسية الاسنان لكن اسنانهم كويسة مفيهاش تسوس و غالباً حساسية الاسنان بتكون بعد تنضيف الجير او تلميع الاسنان و كمان بعد تبيض الاسنان بيكون فى حساسية الاسنان و من احسن معجون الاسنان للاسنان الحساسة سنسوداين ( sensodyne ) و طبعاً فى انواع كتير فى عيلة معجون اسنان سنسوداين هنتكلم عنها الفيديو الجاى اخر نوع و اللى معظم الناس بتستخدمه غلط و هو معجون الاسنان لتبييض الاسنان و المشكلة ان فى ناس كتير فاكريين ان معجون الاسنان لتبييض الاسنان بيدى الاسنان لون ابيض بمعنى انه بيغير لون الاسنان و ده مش صح معجون الاسنان لتييض الاسنان بيتح لون الاسنان عن طريق انه بيشيل التصبغات اللى على سطح الاسنان لكن مش بيبيض الاسنان مشكلة معجون الاسنان لتبييض الاسنان انه بياكل فى طبقة المينا المكونه للاسنان و ده على المدى البعيد بيسبب حساسية الاسنان كمان لو حابب تفهم اكتر عن تبييض الاسنان و انواع تبييض الاسنان بالمنزل تحت اشراف دكتور الاسنان و الفرق بين تبييض الاسنان و تلميع الاسنان او تنضيف جير الاسنان ممكن تشوف الفيديو ده أنواع تبييض الاسنان و تبييضها في المنزل (بطريقة امنة) تحت اشراف دكتور الاسنان https://youtu.be/rqeKPY_-ozA