أقوى كورس لتعليم فن كتابة المحتويات من الصفر حتى الاحتراف، بنضملك في الكورس دا إنك تتعلم معظم المهارات اللازمة لكتابة أي نوع من أنواع المحتويات. مهارات الكتابة هي أني أقدر أسخر اللغة بتاعتي للتعبير عن الحاجة إلى عاوز أوصلها للي بكتبله، وعشان تقدر تكتب أي موضوع، وفي أي مجال؛ لازم يكون عندنا شوية مبادئ أساسية للكتابة، وإلى هتفرق معانا جدًا في كتابتنا، وبشكل إجمالي عندنا 9 أسس للكتابة: أولا: المعرفة الكافية عن الموضوع: لو أنت أعظم كاتب في الدنيا وعندك كل مهارات الكتابة، ومعندكش معرفة عن الموضوع الي هتكتب فيه فأحب أقول لحضرتك إنك هتفشل فشل كبير، لأن شرط أساسي أني أكون عندي معرفة كافية عن الموضوع إلى هكتب فيه، علشان أعرف أكتب فيه بشكل كويس، وعشان لما حد متخصص يقرأ الموضوع ميقولش عني معرفش حاجة وبهبد في الموضوع. وحطيت الأساس دا أول أساس عشان أكد ليك إنك عمرك مهما كنت كاتب محترف هتعرف تكتب في موضوع متعرفش عنه حاجة. ثانيا : الثراء اللغوي: كنت في محاضرة، وكنت فكنت بسأل طالب سؤال وقالي: “يا دكتور أنا بيبقى عندي أفكار كتير جدًا وإجابات لأسئلتك ومبعرفش أعبر عنها سواء بالكتابة أو الكلام حتى وبحس أني مخنوق من الإحساس دا”. المشكلة هنا في أنه معندوش مفردات لغوية يقدر يعبر بيها عن أفكاره والأحاسيس إلي بتراوده، وكمان مش عارف يحطها في تكوين لغوي يحمل أفكاره دي للي بيكتبله أو بيكلمه. ودا يمكن السبب في إن ناس كتير بتبقى عندهم أفكار جميلة جدا ومبيعرفوش يوصلوها للناس، والحاجات دي هنتلكم عن أنك تزاي تحلها في الحلقات الجاية ان شاء الله. ثالثا: تحديد الهدف من الكتابة: مش ممكن أي شخص يكتب محتوى مش عارف قبل ما يكتبه هوه عايز إيه بالضبط وعاوز يوصل إليه من الكتابة بتاعه، ومع تغيير الهدف من الكتابة بتاعك هتتغير أسلوب وطريقة كتابتك تمامًا؛ فالكتابة الرسمية غير العلمية غير الأدبية غير الكتابة الإعلامية…، ودا هنتكلم عنه في الكورس إن شاء الله في أنواع الكتابة. رابعا: تحديد الفكرة الرئيسة للكتابة: كتير مننا وخاصة المبتدأ في الكتابة لم يجي يكتب مبتلقيش عنده فكرة ثابتة بيتكلم عليها، ودا بيخلي إلى بيقرأ المحتوى بينفر منه، ودا بيفكرني بخطيب كان في مسجد بصلي فيه كان ممكن يبدأ الخطبة بالصبر وينهيها بالزكاة، ودا بيعمل تشتت عند إلى بيقرأ المحتوى بتاعك، ومبيخليش الفكرة توصل بشكل كويس. خامسًا: تحديد القارئ المستهدف: الأشخاص إلى أنت هتكتبلهم المحتوى إلى هتقدمه بيفرقوا جدا في إنك ازاي تكتب المحتوى بتاعك، بدأ من فكرة المحتوى وحتى اللغة إلى هستخدمها في الكتابة، فإنك تكتب محتوى لطلابك إلى في الابتدائي أكيد هيختلف كتير عن محتوى هتكتبه بشكل رسمي لمديرك في الشغل، اللغة والطريقة إلى هتكتب بيها المحتوى مختلفة. سادسًا: استخدام المصطلحات المتخصصة: من أهم النقاط الجوهرية في الكتابة هي المصطلحات إلي بيستخدمها الكاتب في الكتابة؛ المصطلحات دي من النقط الهامة جدا إلي بتميز الكاتب الهاوي عن الكاتب المحترف، لأن لكل مجال مصطلحاته المتخصصة إلي بتدل عليه دلالة صريحة ومتعارفة عليها بين العاملين في المجال دا. كنت في مناقشة لرسالة علمية في كلية من كليات الإعلام وبعدين كان الباحث كاتب في رسالته “تعرض الناس للمحتوى الإعلامي” فالمناقش قاله “يادكتور إحنا عندنا المصطلحات الخاصة بنا في مجالانا وإلي تعارفنا عليها من أولى كلية.. أكتب بدل الناس “الجمهور”. عشان كده لازم المصطلحات تكون متخصصة علشان تدي صقل للكاتب وتخلي إلى بيقرأ يعرف أنه فاهم في الموضوع إلى بيكتب فيه. سابعًا: السلامة اللغوية: 1-السلامة النحوية: من أهم الأسس للكتابة الصحيحة أنك يكون عندك لغة عربية سليمة نحويًا، بمعني إن الاحكام الإعرابية بتاعك تكون مضبوطة، الفاعل يكون مرفوع والمفعول منصوب… وهكذا، موضوع سلامة اللغة من حيث الإعراب دا إن شاء الله هنرشح ليكم كورس في صندوق الوصف يأخذكم في رحلة سريعة في عملية السلامة اللغوية. 2-السلامة التعبيرية: وأنت بتكتب لازم تتأكد إن المفردات الى انت استخدمتها تكون دالة على الى انت عاوزه ومتحتملش معنى تاني، لإن دا ممكن يوقعك في مشاكل، وكمان ميوصلش الفكرة إلى أنت عاوزها، ودقة استخدام الكلمات إلي بتعبر عن الى أنت عاوزه هيه إلى بتفرق كاتب هاوي عن كاتب محترف. 3-السلامة الإملائية: من الحجات الي تخلي الى بيقرأ المحتوى بتاعك يحترمك ويحترم كتابتك؛ إن تكون كتابتك خالية من الأخطاء الإملائية، وفي الكورس دا مخصصين حلقة إن شاء الله عن أهم الأخطاء الإملائية وإلي إن شاء الله هتساعدك كتير جدًا في كتابة المحتوى بتاعك. ثامنًا: الاستخدام الصحيح لعلامات الترقيم: من الأسس الهامة للكتابة الإبداعية والصحيحة أنك تستخدم علامات الترقيم بشكل صحيح، لأن علامات الترقيم زيها زي الجمل الى بتستخدمها بالضبط ليها معنى بتدل عليها، والاستخدام الخاطئ ليها هيخلى المعنى مختلف تمامًا، وإن شاء الله في الكورس ده هنتكلم عنها بالتفصيل ونعرف مع بعض إزاي نستخدمها في كتابتنا بشكل صحيح. تاسعًا: الذوق الكتابي: من الحجات إلى بتكمل أساسيات الكتابة الصحيحة والإبداعية إن يكون عندي ذوق كتابي، ودا هو إلى بيوجهني في كل خطوة من خطوات الكتابة؛ من تحديد الموضوع وحتى خاتمته، مرورًا باختيار الأفكار والعبارات إلي بتعبر عن هذه الأفكار، باختصار الذوق عامل زي اللسان للإنسان؛ بيعرفه طعم الكتابه إلي الكاتب بيكتبها ويعرفها إذا كانت مالحة ولا حلوة. هدفنا تنمية المهارات التي يتطلبها سوق العمل، خاصة في مجال الإعلام والتنمية البشرية، نقدم في هذه القناة العديد من الدورات التدريبية (الكورسات) الرائعة التي تتعلق بمجال الإعلام والتنمية البشرية بمختلف أبعادها، نأمل في أن يكون لدى متابعينا مهارات عالية في المحتويات التي نقدمها.