ازاي تطوع في الUN “الامم المتحده” وانت قاعد في البيت

ازاي تطوع في الUN “الامم المتحده” وانت قاعد ف بيتكم،مستغرب صح، خد التقيله بقي مش هتطوع كمان مع التيم الناشونال لا انت هتشتغل مع التيم الانترناشونال وهتاخد كمان ceritificate بشغلك مع التيم ده ده غير المميزات اللي بتاخدها زي ال paid internships والعلاقات اللي بتبقي ليك ف كل دوله ف العالم تقريبا.
-طيب يعني تقدر تطوع تعمل ايه مع الناس دي؟
-هقولك انا يا سيدي في قدامك كذا حاجه ومناسبين لكل الناس تقريبا زي ‘الترجمه، الكتابه والتعديلات،التصميم بكل انواعه، الابحاث، ادخال البيانات، بروجيكت مانجمينت، التدريبات والتدريس، والتنظيم الخ..’
-طيب في شروط؟!
-لا مفيش شروط كل اللي عليك انك بتعمل اكونت عالموقع بتاعهم وبتبدأ تشوف الفرص المتاحه وبتقدم علي اي فرصه تعجبك من خلال انك بتجاوب علي كام سؤال من المنظمه اللي انت حابب تشتغل فيها وهما بيردو عليك بالموافقه او الرفض وكل ما تشتغل كتير كل ما الrate بتاعك بيعلي اكتر واكتر وبتبدأ يجيلك عروض من منظمات ووظايف اكبر، ومع كل وظيفه بتشتغل فيها بيبعتولك شهاده تقدير من المنظمه دي تقديرا لشغلك ده ودي مثال للcertificate كنت اخدها من البرنامج الانمائي للامم المتحده UNDP في البرازيل.
-قدموا وقوي الCv بتاعكم بيفرق كتير اوي لما تقدم في اي مكان وتقولهم انك اشتغلت ف حاجه انترناشونال قبل كده ده غير انك لو ناوي تكمل ف السكه دي ف هتوصل اسرع وانت صغير، لو حد محتاج اي تفاصيل يسأل وانا هجاوبه علي طول، جود لاك ومنشن صحابك المهتمين بالشغل ف الامم المتحده 
https://www.unv.org

-لو مرداش يفتح من الموبايل افتح من اللاب توب من Internet Explorer browser

  by Amr Ahmed