الايميل الجامعي كنز في ايدك لازم تستغله صح
تعرف انت كطالب او دكتور او معيد في اي جامعه.. في جيبك حوالي 5000$ و انت مضيعهم في الهوا وعمرك ما فكرت تسأل عنهم ولا تاخدهم.
في نعمة كبيرة جدا مفيش حد اخد باله منها وهى الايميل الجامعي
و ده بالظبط زي الكارنيه الجامعي بتاعك بس علي النت.
طب و ده ايه فايدته؟
في شركات كتير جدا بتقدم خدمات لكل طلبة العالم.. تقدر انت كمان تعمل Account علي الموقع بتاعهم وتستفيد انت كمان
_________________________________________________
تعمل الايميل الجامعي ده ازاي؟
في كل كلية وحدة Information Technology.. ممكن تدور عليه في كليتك او فى رئاسة الجامعة
تدخل و تقولهم عايز اخد الإيميل بتاعي .. هيدوك Application تملاه.. و تدفع 5 جنيه مثلاً.. و تيجي تاني يوم تاخد الأيميل بتاعك.. او في نفس اليوم لو مفيش ضغط.
الفرق بين إيميل gmail – Yahoo – Hotmail وبين الإيميل الجامعي.. ان ده بيبقي شكله كده yourname@zu.edu.eg.
الzu.edu.eg ده الـDomain بتاع كليات جامعة الزقازيق.
عشان تقدر تفتح الايميل الجامعي استخدم الـLink ده.
===========
1:- تقدر تحمل كل منتجات شركة Microsoft.. سواء Windows – Office و منتجات انت مسمعتش عنها حاجة.. المنتجات دي بيوصل عددها لاكتر من 150 منتج.. كل ده مجاناً ليك انت كحامل للإيميل الجامعي.
تقدر تحملهم من هنا.
بس الاول متنساش تعمل Student Account.. عن طريق انك بتـLog in بأي ايميل بتاع شركة Microsoft.. ده اللي هو اية؟
اللي هو الـHotmail – Outlook – Windows Live.. المهم انه بتاع Microsoft.. ومتنساش تعمل Verification من الإيميل نفسه وبكدة تقدر تحمل كل حاجة متاحة في الـSoftware Catalog.
خاص بجامعة الزقازيق :
بوابة الكترونية جديدة تقوم بخدمة الطلاب والعاملين واعضاء هيئة التدريس بجامعة الزقازيق
تقدم خدمات مايكروسوفت حيث من خلال الموقع تستطيع الحصول على تراخيص إستخدام برامجها ومنتجاتها وذلك للطلاب والعاملين واعضاء هيئة التدريس بجامعة الزقازيق
_________________________________________________
2:-سيبك بقي من Microsoft.. خلينا في Autodesk اشهر من نار على علم طبعا.. و اكتر ناس هتبقي عارفاها المهندسين.
بتقدم برامج زي
(Maya – 3D Max – Inventor Professional – Autocad)
تقدر تحملهم من هنا.
_________________________________________________
3:-سيبك بقي من Microsoft و Autodesk و خلينا في شركة JetBrains الشركة دي بقي هتفيدك جدا لو انت مبرمج.. و ما اكثر المبرمجين سواء عندنا في الكلية او براها الشركة دي بتقدم منتجات و ادوات بأكثر من 300$ لو انت مش معاك الايميل الجامعي ده.
لكن تخيل انك لو عملته هتقدر تاخدها ببلاش.
تقدر تحملهم من هنا.
_________________________________________________
4:-تعالي بقي لشركة Adobe.. تقدر تحصل على برامجها الأصلية من غير ما تقعد تحمل الكراك.. و ينتهي وتفضل تجدد فيه و الكلام ده
و خصومات تصل الى 70% – 60%.
تقدر تحملهم من هنا.
_________________________________________________
5:-طب تعرف شركة Amazon.com ايوة هي بتاعة البيع و الشرا دي.. بتقدم خدمات مفيش حد فكر انه يعرف عنها حاجة! و برده للطالب اللي معاه الايميل الجامعي.
ممكن تكتشفها بنفسك من هنا.
_________________________________________________
6:-دي بقي تعتبر اقوي قائمة برامج و أدوات مجانية من GitHub.
هتشوف حاجات لا سمعت عنها واول مرة في حياتك تشوفها.. قيمة البرامج علي الموقع ده بس تقريبا اكتر من 1500$ سنويا.. كل اللي عليك تخش بالايميل الجامعي بتاعك وتقدر تنزل اللي انت محتاجه في الوقت الحالي.
تقدر تحملهم من هنا.
_________________________________________________
7:-نيجي بقي لبرنامج يعتبر مفيد لينا كلنا وهو RipTiger هو برنامج سهل جداً في استخدامه يقوم تلقائيا بتحميل اي فيديو بتشوفه علي الـBrowser بتاعك واي مواد متعلقه بالفيديو.
تقدر تحمله من هنا.
_________________________________________________
8:-في ناس اكيد مهتمه يكون عندها موقع خاص بيها وهنا يجي دور WestHost للطلبه.
ده بقي بيقدملك سنة كاملة استضافة مجانيه تقدر تستفيد بيها في اي وقت.
كل التفاصيل من هنا.
_________________________________________________
9:-طيب تعرف Prezi عملاق عمل الـPresentations بشكل مبدع و جذاب بيلفتك من اول مرة.
و مننساش كلنا اننا اول مرة شوفنا Presentation على Prezi انبهرنا بيها و جرينا سألنا هو البرنامج دا اسمه ايه تخيل ان اللي انبهرنا بيه دا كان على البرنامج التجريبي .. طب تخيل انك تقدر تمتلك البرنامج الأصلي من خلال الإيميل الجامعي من هنا.
_________________________________________________
10:-فى بعض المواقع المحلية اللى بتتطلب ايميل جامعى زى بنك المعرفة المصرى
=============
ايميل الجامعة معتمد علي مستوي الجامعات يعني ممكن تسجل على اي موقع جامعة وتقدر تتعلم اون لاين.
وكمان تقدر تقدم على اى منحة من عليه تقدر تدور عليها علي Google براحتك.
اهم موقع انا شايفه من وجهة نظري ويعتبر من اكبر المكاسب بتاعتنا كطلبه وهو Research Gate.. دة موقع عامل زي LinkedIn كدة بس للباحثين بس.
مش بيسمح لك تسجل فيه إلا بإيميل الجامعة.
كله علم بس.. الموقع بيتيح لك التواصل مع باحثين في جميع التخصصات من جميع أنحاء العالم.. وإنك تسأل أسئلة في أي مجال وهتلاقي اللي يرد عليك من أي مكان في العالم في نفس تخصصك.
دة غير إن الـAccount عليه يعتبر كأنه C.V لك.. وبياخد Grade على حسب أبحاثك ونشاطك في وضع إجابات مفيدة لأسئلة غيرك.