6 أسباب تخليك تدخل عالم البرمجة

6 أسباب تخليك تدخل عالم البرمجة

1- اول سبب ان البرمجة دى هى لغة المستقبل التقدم الرهيب اليومى مش الاسبوعى لا اليومى فى مجال الويب والتكنولوجيا بصفة عامة خلت من الاهتمامات الاساسية فى العالم مجال البرمجة ..انت عارف ان الولايات المتحدة الامريكية دخلوا البرمجة ضمن المناهج الدراسية ..واكيد سمعت عن مباردة المليون مبرمج شوف كل حاجة حواليك هتلاقى ان الاتجاة دلوقتى فعلا للبرمجة 

2- البرمجة دلوقتى بقت من الوظائف الاكثر طلبا على مستوى العالم لان مفيش شركة او مشروع الا وبقى ليها موقع او ابلكيشن ودى من الاساسيات فلو لسه هتدخل مجال فكر فى مجال عليه طلب وليه مستقبل .

3- مجال البرمجة مش هقول عليه سهل لا هو محتاج تعليم وصبر واجتهاد علشان تقدر تثبت نفسك فيه بس الميزة انه مش لازم تبقى خريج كلية كذا او ليه شروط يعنى …. انت عايز تتعلم برمجة هتتعلمها وانت فى بيتك مش محتاج غير ان يبقى عندك جهاز كمبيوتر او لاب توب كويس وانترنت وتبدأ تتعلم يا معلم 

4- ال freelancing اساسى فى البرمجة معظم المبرمجين بيشتغلوا فى العمل الحر وفى مواقع كتير بتقدم ده ودى من مميزات البرمجة انها من المجالات القوية فى ال freelancing وزى ما انت قدرت تتعلم فى مكانك هتقدر كمان تشتغل من مكانك 

5- تعتبر رواتب او دخل المبرمجين جيدة جدا بالمقارنة بوظائف تانية كثير وفى زيادة باستمرار بسبب زيادة الاهمية والطلب عليها مع الوقت .

6- البرمجة هتغيرك هتغير شخصيتك هتخليك صبور كده وبتفكر بطريقة منطقية وعقلانية هتلاقى نفسك ديما فى كل مشكلة بتواجها اتوماتيك كده بتقد دور على ايه الاسباب بتاعتها واحلها ازاى وهتلاقى نفسك وانت بتسمع غيرك او بتتفرج على اى حاجة هتحس بختلاف هتحس ان الكلام بيدخل دماغك بيتحول افكارمتعرفش ازاى بس اى مشكلة او اى حاجة كده هتفكر ازاى ممكن تعملها كفكرة جديدة لابلكيشن او موقع ….. ومقولكش على الفضووول بص هتبقى فضولى بشكل كبير بس فضول ايجابى مش سلبى يعنى كل حاجة هتقبلها هتدور هى اتعملت ازاى وليه وممكن اعمل زيها ولا لا وايه اللى ممكن اعمله علشان اطور عليه يعنى من الاخر البرمجة هتلاقيها طبعت على حياتك