تحب تبقى سمكة كبيرة فى حوض صغير واللا سمكة صغيرة فى حوض كبير؟ لما سألت السؤال ده على صفحتى على الفيسبوك كان تفاعلكم معاه كبير ولأن السؤال كان مفتوح تنوعت الاجابات فيه منكم اللى جاوبه من منظور التنمية البشرية و منكم اللى جاوب عليه من الناحية الفلسفية لكن بعض الأصدقاء زى مؤمن عطالله قدر يستنتج الموضوع اللى قصدته الموضوع متعلق بالتسويق وهو بخصوص تحديد حجم السوق اللى هتبيع له منتجك أو خدمتك و ترجمة السؤال هى هل تبيع لكل الناس و تبقى سمكة صغيرة فى بحر كبير واللا تختار فئة محددة أو شريحة معينة تبيع لها و تبقى سمكة كبيرة فى بحيرة صغيرة ؟ فى حلقة النهارده هنجاوب على السؤال ده
