ياترى ممكن كل حد يقابلك يفتكرك؟ ياترى انت حد بتعلم ف ذاكرة اللى قدامك ولا بتكون مجرد شخص عدى و السلام بيقول جوشوا فوير ان اللى بيخلى الحاجات متتنسيش هى انها تكون ليها معنى و مهمة و مليانة طاقة خد دقيقة كدا و فكر ف لحظات ف حياتك متتنسيش مكان كان نفسك تروحة ومستنى بفارغ الصبر انك تشوفه كلمة بحبك اللى بتتقال لاول مرة المضيفة و هى بتقولك بيف ولا تشيكن حد قعدت معاه ولقيت الوقت جرى من غير ما تحس وفضلت فاكر اليوم دا بكل تفاصيله مش كل الحاجات اللى بنفتكرها بتكون مثالية بالعكس يمكن ساعات كتير لما الحاجات بتبوظ بيطلع منها احلى و اجمل ذكريات اللحظات اللى مبتتنسيش هى اللى بتخلينا نحس بالحياة و البهجة جوانا وبتكون ياإما لحظات حلمنا بيها او تعبنا علبال منوصلها و استنينا ايام و شهور وصبرنا لحد مبقينا عايشنها بس فى الاخر اللحظات دى كلها هى اللى شكلتنا و هى اللى سابت جوانا علامة واثر وعمرنا ما هنبقى احنا من غير اللحظات ديه وزى اللحظات ما بتسيب فينا أثر كمان الاشخاص بيسيبوا جوانا ذكرى واثر ساعات بيكون اثر ايجابى وساعات تانية بيكون سلبى بس اللى احنا بندور عليه انهاردة هو ازاى نقدر نسيب اثر و يبقى عندنا فرصه اننا منتنسيش ف خلينى اعرض عليك عزيزى المستمع شوية حاجات كدة بسيطة ممكن تخليك تقدر تسيب ذكرى حلوة ف نفس اى حد بتتعامل معاه بودكاست نقطة نور – نرمين كامل