بودكاست نقطة نور نقطة نور هى الفكرة اللى جاتلى وانا عندى كورونا و فترة العزل وطبعا تعب الكورونا الواحد مش بيبقى قادر يعمل اى حاجة و جسمه مكسر ف كان عندى وقت طويل انى افكر يمكن كنت فعلا محتاجة الوقت دا علشان اعيد ترتيب افكارى و اشوف انا عايزة اعمل ايه لما بدأت بودكاست شاى بالنعناع الاسم كان عام شوية علشان انا نفسى مكنتش عارفة هو الموضوع الرئيسى فيه ايه انا عايزة اتكلم عن الحاجات اللى انا ممكن اكون محتاجاها وبفكر فيها نقطة نور هيكون بيتكلم عن الفلسفة و علم النفس و المشاعر لما الواحد بيكون تعبان بيحس انه نفسه يسمع حاجة ترفع من روحه المعنوية و تخليه احسن وحتى لو مش تعبان بس نفسك تعرف حاجة جديدة عن نفسك اوعن اللى حواليك نقطة نور بودكاست انسانى قبل اى حاجة ولو بس هيقدر يغير مود اللى بيسمع بنسبة1% ف انا هكون ف منتهى السعادة نقطة نور هيكون رحلة جوا النفس و العقل والروح منطقة سلام نفسى و أمان واتصال مع الداخل اتمنى انى اقدر ادخل نقطة نور جوا قلب اى حد بيسمع البودكاست ونبدأ على خيرة الله بودكاست نقطة نور ومعاكوا نرمين كامل